| ᠤᠬᠠᠭᠳᠠᠬᠤᠨ᠄ ᠪᠦᠭᠡᠷᠡ ᠪᠤᠯ ᠣᠰᠣᠨ ᠮᠠᠬᠠᠪᠤᠳ ᠢᠶᠠᠷ ᠲᠦᠯᠦᠵᠢᠬᠦ ᠪᠦᠭᠡᠳ ᠨᠢᠷᠣᠭᠤᠨ ᠤ 14 ᠳ᠋ᠣᠭᠡᠷ | ᠦᠶᠡᠰ ᠤᠨ ᠣᠷᠴᠢᠨ ᠬᠡᠢ ᠶᠢᠨ ᠣᠷᠣᠨ ᠳᠤ ᠣᠷᠣᠰᠢᠬᠤ ᠶᠢᠨ ᠬᠠᠮᠲᠣ ᠬᠤᠶᠠᠷ ᠪᠦᠭᠡᠷᠡ ᠨᠢ ᠪᠦᠬᠡᠴᠣᠳ ᠨᠢᠷᠣᠭᠤ | ᠡᠷᠭᠦᠭᠰᠡᠨ ᠮᠡᠲᠦ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠲᠠᠮᠢᠷ ᠬᠦᠴᠦᠨ ᠢ ᠪᠠᠲᠣᠯᠠᠵᠣ ᠰᠢᠭᠡᠰᠦ ᠢᠯᠭᠠᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ | ᠪᠦᠭᠡᠳ ᠡᠪᠡᠳᠴᠢᠨ ᠤ ᠣᠷᠪᠠᠯᠲᠠ ᠪᠤᠯᠪᠠᠯ ᠪᠦᠭᠡᠷᠡᠨ ᠤ ᠣᠷᠴᠢᠮ ᠳᠤ ᠬᠦᠢᠲᠡᠨ ᠣᠷᠬᠢᠵᠣ ᠬᠦᠰᠢᠭᠦᠷᠡᠨ ᠡᠪᠡᠳᠬᠦ | ᠶᠢᠨ ᠳᠠᠭᠠᠤ ᠬᠡᠢ ᠠᠷᠪᠢᠳᠴᠦ ᠪᠦᠭᠡᠷᠡᠨ ᠤ ᠢᠯᠴᠢ ᠪᠠᠭᠤᠷᠠᠭᠰᠠᠨ ᠨᠢᠭᠡ ᠵᠦᠢᠯ ᠤᠨ ᠡᠪᠡᠳᠴᠢᠨ ᠪᠤᠯᠬᠤ ᠲᠤᠯᠠ | ᠡᠮᠴᠢᠯᠡᠭᠡᠨ ᠤ ᠶᠠᠪᠤᠴᠠ ᠳᠤ ᠡᠨᠡᠬᠦ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠢ ᠨᠢᠭᠲᠠ ᠤᠶᠠᠯᠳᠤᠭᠤᠯᠤᠨ ᠠᠨᠠᠭᠠᠬᠤ ᠨᠢ ᠮᠠᠰᠢ | ᠴᠢᠬᠤᠯᠠᠲᠠᠢ ᠶᠤᠮ᠃ ᠭᠤᠤᠯᠳᠠᠭᠤ ᠪᠦᠭᠡᠷᠡ ᠨᠢᠷᠤᠭᠤ ᠪᠠᠷ ᠳᠤᠭᠳᠠᠪᠤᠷᠢ ᠦᠭᠡᠢ ᠪᠠᠷ ᠬᠦᠢᠳᠡᠨ ᠣᠷᠭᠢᠵᠦ ᠡᠪᠡᠳᠬᠦ᠂ | ᠴᠢᠬᠢ ᠱᠤᠤᠬᠢᠨ᠂ ᠳᠣᠯᠣᠭᠠᠢ ᠡᠷᠭᠢᠨ᠂ ᠪᠡᠶᠡ ᠶᠢᠨ ᠲᠠᠮᠢᠷ ᠲᠡᠩᠭᠡᠭᠡ ᠳᠤᠷᠤᠶᠢᠳᠠᠬᠤ ᠵᠡᠷᠭᠡ ᠰᠢᠨᠵᠢ ᠳᠡᠮᠳᠡᠭ ᠢᠶᠠᠷ | ᠢᠯᠡᠷᠡᠬᠦ ᠪᠦᠭᠡᠷᠡ ᠶᠢᠨ ᠬᠦᠢᠲᠡᠨ ᠴᠢᠨᠠᠷ ᠪᠦᠬᠦᠢ ᠠᠷᠬᠠᠭ ᠡᠪᠡᠳᠴᠢᠨ ᠪᠤᠯᠤᠨᠠ᠃ ᠲᠣᠰ ᠡᠪᠡᠳᠴᠢᠨ ᠢ ︽ᠠᠨᠠᠭᠠᠬᠤ | ᠣᠬᠠᠭᠠᠨ ᠤ ᠨᠡᠪᠲᠡᠷᠬᠡᠢ ᠲᠤᠯᠢ︾ ᠳᠤ ᠪᠠᠰᠠ ︽ᠪᠦᠭᠡᠷᠡ ᠶᠢᠨ ᠬᠡᠢ︾ ᠬᠡᠬᠦ ᠪᠤᠶᠤ ︽ᠪᠦᠭᠡᠷᠡ ᠶᠢᠨ ᠬᠡᠢ ᠠᠷᠬᠠᠭ | ᠡᠪᠡᠳᠴᠢᠨ︾ ᠭᠡᠳᠡᠭ᠃ ᠣᠳᠣᠬᠢ ᠡᠮᠴᠢᠯᠡᠭᠡᠨ ᠳᠠᠬᠢ ︽ᠪᠦᠭᠡᠷᠡ ᠬᠤᠭᠤᠰᠣᠷᠬᠠᠭ︾ ᠡᠪᠡᠳᠴᠢᠨ ᠨᠢ ᠳᠠᠷᠣᠢ ᠲᠣᠰ | ᠡᠪᠡᠳᠴᠢᠨ ᠤ ᠬᠦᠷᠢᠶᠡ ᠬᠡᠪᠴᠢᠶᠡᠨ ᠳᠤ ᠪᠠᠭᠲᠠᠭᠳᠠᠨᠠ ᠭᠡᠵᠦ ᠪᠢ ᠦᠵᠡᠵᠦ ᠪᠤᠢ᠃ | ᠰᠢᠯᠲᠠᠭᠠᠨ ᠨᠦᠬᠦᠴᠡᠯ᠄ ᠮᠠᠬᠠᠪᠤᠳ ᠲᠠᠮᠢᠷ ᠤᠨ ᠬᠠᠷᠢᠴᠠᠩᠭᠤᠢ ᠳᠡᠩᠴᠡᠭᠦᠷᠢ ᠡᠪᠡᠳᠬᠦ ᠶᠢ ᠳᠠᠭᠠᠯᠳᠤᠨ ᠬᠡᠢ | ᠠᠷᠪᠢᠳᠴᠦ᠂ ᠪᠦᠭᠡᠷᠡᠨ ᠲᠠᠬᠢ ᠬᠤᠪᠢᠶᠠᠷᠢ ᠢᠯᠴᠢ ᠶᠢᠨ ᠠᠵᠢᠯᠯᠠᠭᠠ ᠶᠢᠨ ᠵᠤᠬᠢᠴᠠᠯ ᠡᠪᠳᠡᠷᠡᠨ ᠪᠦᠭᠡᠷᠡ ᠰᠠᠮᠰᠧ ᠶᠢ | ᠨᠦᠯᠦᠭᠡᠯᠡᠭᠰᠡᠨ ᠳᠤ ᠳᠤ ᠰᠢᠯᠳᠠᠭᠠᠯᠠᠨ ᠡᠭᠦᠰᠦᠨᠡ᠃ ᠢᠯᠠᠩᠭᠤᠶᠠ ᠡᠪᠡᠳᠴᠢᠨ ᠨᠢ ᠬᠠᠭᠤᠴᠢᠷᠠᠪᠠᠯ ᠬᠦᠢᠳᠡᠨ ᠰᠢᠷᠠ | ᠤᠰᠤ ᠬᠠᠪᠰᠣᠷᠴᠦ ᠠᠷᠬᠠᠰᠢᠬᠤ ᠪᠦᠭᠡᠳ ᠨᠦᠬᠦᠴᠡᠯ ᠨᠢ ᠭᠤᠤᠯᠳᠠᠭᠤ ᠣᠷᠳᠦ ᠬᠤᠭᠤᠴᠠᠭᠠ ᠪᠠᠷ ᠳᠣᠣᠷᠠ ᠠᠴᠠ | ᠪᠠᠨ ᠳᠠᠭᠠᠷᠠᠵᠦ ᠵᠢᠩᠭᠢᠨᠡᠭᠰᠡᠨ ᠪᠤᠶᠤ ᠴᠢᠬᠢᠭᠳᠦᠭᠰᠡᠨ᠂ ᠬᠦᠢᠳᠡᠨ ᠴᠢᠬᠢᠭ ᠲᠠᠢ ᠤᠷᠤᠨ ᠳᠤ ᠤᠷᠳᠦ ᠬᠤᠭᠤᠴᠠᠭᠠ ᠪᠠᠷ | ᠬᠠᠳᠠᠭᠤ ᠬᠦᠳᠦᠯᠡᠭᠰᠡᠨ᠂ ᠬᠦᠢᠳᠡᠨ ᠴᠢᠨᠠᠷ ᠲᠠᠢ ᠢᠳᠡᠭᠡᠨ ᠣᠮᠳᠠᠭᠠᠨ ᠪᠤᠯᠤᠨ ᠠᠷᠢᠬᠢ ᠶᠢ ᠬᠡᠳᠦᠷᠡᠭᠦᠯᠦᠭᠰᠡᠨ᠂ | ᠬᠤᠷᠢᠴᠠᠯ ᠤᠨ ᠠᠵᠢᠯ ᠤᠨ ᠲᠡᠩᠴᠡᠭᠦᠷᠢ ᠠᠯᠳᠠᠭᠳᠠᠬᠤ ᠪᠤᠶᠤ ᠪᠤᠰᠤᠳ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠡᠪᠡᠳᠴᠢᠨ ᠤ | ᠤᠷᠬᠠᠭ ᠲᠤᠭᠳᠠᠬᠤ ᠵᠡᠷᠭᠡ ᠪᠤᠯᠤᠨᠠ᠃ | ᠰᠢᠨᠵᠢ ᠲᠡᠮᠳᠡᠭ᠄ ᠡᠪᠡᠳᠴᠢᠨ ᠨᠨ ᠡᠭᠦᠰᠦᠯᠳᠡ ᠨᠢ ᠤᠳᠠᠭᠠᠨ ᠪᠦᠭᠡᠳ ᠪᠦᠭᠡᠷᠡ ᠨᠢᠷᠤᠭᠤ ᠪᠠᠷ ᠦᠷᠭᠦᠯᠵᠢ | ᠲᠤᠭᠳᠠᠪᠤᠷᠢ ᠦᠭᠡᠢ ᠪᠠᠷ ᠤᠨᠵᠢᠷᠠᠨ ᠡᠪᠡᠳᠬᠦ᠂ ᠪᠡᠯᠭᠡᠭᠦᠰᠦ ᠠᠴᠠ ᠳᠣᠷᠣᠭᠰᠢ ᠬᠦᠢᠳᠡᠨ ᠤᠷᠬᠢᠬᠤ᠂ ᠭᠤᠶᠠ ᠶᠢᠨ | ᠰᠤᠵᠠᠭᠠ ᠣᠷᠴᠢᠮ ᠢᠶᠠᠷ ᠬᠦᠰᠢᠯᠳᠦᠨ ᠡᠪᠡᠳᠬᠦ᠂ ᠬᠤᠳᠭᠨᠠᠭ ᠠᠴᠠ ᠦᠷᠭᠦᠯᠵᠢ ᠬᠦᠢᠳᠡᠨ ᠬᠦᠯᠦᠰᠦ ᠭᠠᠷᠬᠤ᠂ | ᠪᠡᠶᠡ ᠲᠠᠮᠢᠷᠳᠠᠬᠤ᠂ ᠰᠢᠭᠡᠬᠦ ᠳᠤᠭᠠ ᠤᠯᠠᠰᠢᠷᠠᠬᠤ ᠪᠤᠶᠤ ᠴᠢᠪᠳᠠᠭᠰᠢᠬᠤ᠂ ᠪᠡᠯᠭᠡ ᠳᠤᠷᠤᠶᠢᠳᠠᠬᠤ᠂ ᠨᠢᠭᠤᠷ ᠰᠡᠯᠭᠦᠷᠡᠬᠦ | ᠂ ᠳᠣᠰᠣᠯ ᠴᠤᠪᠤᠷᠠᠬᠤ ᠪᠤᠶᠤ ᠰᠢᠭᠡᠭᠰᠡᠨ ᠤ ᠬᠤᠶᠢᠨᠠ ᠴᠠᠭᠠᠨ ᠰᠢᠩᠭᠡᠨ ᠭᠠᠷᠬᠤ ᠴᠦ ᠪᠤᠢ᠃ ᠡᠬᠦᠨ ᠤ ᠬᠠᠮᠳᠦ | ᠳᠤᠯᠤᠭᠠᠢ ᠡᠷᠭᠢᠬᠦ᠂ ᠨᠤᠶᠢᠷ ᠲᠡᠭᠰᠢ ᠦᠭᠡᠢ᠂ ᠴᠢᠬᠢ ᠱᠤᠤᠬᠢᠬᠤ᠂ ᠨᠢᠳᠦ ᠡᠷᠢᠶᠠᠯᠵᠡᠬᠦ ᠮᠡᠳᠦ ᠶᠢᠨ ᠬᠡᠢ | ᠠᠷᠪᠢᠳᠤᠭᠰᠠᠨ ᠰᠢᠨᠵᠢ ᠳᠠᠭᠠᠯᠳᠤᠨ ᠢᠯᠡᠷᠡᠨᠡ᠃ ᠪᠦᠷᠬᠦᠭ ᠡᠳᠦᠷ ᠲᠤ ᠡᠪᠡᠳᠴᠢᠨ ᠬᠦᠳᠡᠯᠬᠦ ᠨᠢ ᠢᠯᠡᠭᠦᠦ ᠶᠤᠮ᠃ | | ᠪᠠᠶᠢᠴᠠᠭᠠᠯᠲᠠ᠄ ᠰᠣᠳᠠᠯ ᠤᠨ ᠯᠣᠭᠰᠢᠯᠲᠠ ᠨᠢ ᠬᠦᠨᠳᠡᠢ ᠬᠤᠭᠤᠰᠣᠨ᠂ ᠴᠠᠭ ᠤᠨ ᠰᠣᠳᠠᠯ ᠨᠢ ᠵᠢᠪᠦᠩᠬᠡᠢ᠂ | ᠬᠡᠯᠡ ᠨᠢ ᠴᠠᠭᠠᠪᠲᠤᠷ ᠦᠩᠭᠦᠷ ᠲᠠᠢ᠃ ᠰᠢᠭᠡᠰᠦ ᠨᠢ ᠣᠰᠣ ᠰᠢᠭ᠋ ᠦᠴᠦᠬᠡᠨ ᠬᠦᠭᠡᠰᠦ ᠲᠠᠢ᠃ ᠲᠣᠰᠠᠯᠠᠬᠤ | ᠪᠠᠶᠢᠴᠠᠭᠠᠯᠲᠠ᠄ ᠰᠢᠭᠡᠰᠦ᠂ ᠴᠢᠰᠣᠨ ᠤ ᠵᠣᠷᠰᠢᠯᠲᠣ ᠪᠠᠶᠢᠴᠠᠭᠠᠯᠲᠠ ᠪᠤᠯᠤᠨ ᠪᠦᠭᠡᠷᠡᠨ ᠤ ᠬᠡᠲᠦ ᠳᠠᠭᠤᠲᠤ ᠳᠣᠯᠭᠢᠶᠠᠨ | ᠤ ᠰᠢᠯᠭᠠᠯᠲᠠ ᠳᠤ ᠨᠢ ᠠᠷᠭᠠ ᠶᠢᠨ ᠬᠤᠪᠢᠷᠠᠯᠲᠠ ᠭᠠᠷᠬᠤ ᠦᠭᠡᠢ ᠨᠢ ᠳᠠᠷᠣᠢ ᠲᠡᠭᠦᠨ ᠤ ᠣᠨᠴᠠᠯᠢᠭ ᠪᠤᠯᠬᠤ ᠶᠤᠮ᠃ | | ᠤᠨᠤᠰᠢ᠄ ᠪᠦᠭᠡᠷᠡᠨ ᠤ ᠬᠦᠢᠲᠡᠨ ᠡᠪᠡᠳᠴᠢᠨ ᠲᠣᠰ ᠡᠪᠡᠳᠴᠢᠨ ᠨᠢ ᠳᠡᠭᠡᠷᠡᠬᠢ ᠭᠤᠷᠪᠠᠨ ᠰᠢᠨᠵᠢᠯᠡᠭᠡ ᠪᠠ | ᠪᠠᠶᠢᠴᠠᠭᠠᠯᠲᠠ ᠭᠢᠭᠡᠳ ᠪᠦᠬᠦ ᠰᠢᠨᠵᠢ ᠲᠡᠮᠳᠡᠭ ᠢ ᠤᠶᠠᠯᠳᠤᠭᠤᠯᠤᠨ ᠰᠢᠨᠵᠢᠯᠡᠪᠡᠯ ᠣᠨᠣᠰᠢᠯᠠᠬᠤ ᠳᠤ ᠪᠡᠷᠬᠡᠲᠡᠢ ᠪᠢᠰᠢ | ᠶᠣᠮ᠃ | ᠡᠮᠴᠢᠯᠡᠭᠡ᠄ ᠠᠨᠠᠭᠠᠬᠤ ᠵᠠᠷᠴᠢᠮ᠄ ᠢᠯᠴᠢ ᠶᠢ ᠳᠡᠭᠰᠢᠳᠭᠡᠨ᠂ ᠪᠦᠭᠡᠷᠡᠨ ᠳᠠᠮᠢᠷ ᠢ ᠰᠡᠯᠪᠢᠵᠦ᠂ ᠬᠦᠢᠳᠡᠨ ᠬᠡᠢ | ᠶᠢ ᠠᠷᠢᠯᠭᠠᠬᠤ ᠤᠷᠢᠳᠠᠯ ᠳᠣᠣᠷᠠ᠂ ᠡᠪᠡᠳᠴᠢᠨ ᠤ ᠪᠣᠳᠠᠲᠣ ᠪᠠᠶᠢᠳᠠᠯ ᠲᠠᠢ ᠨᠢ ᠣᠶᠠᠯᠳᠤᠭᠤᠯᠤᠨ ᠵᠠᠰᠠᠨᠠ᠃ | ᠡᠮ ᠨᠠᠶᠢᠷᠠᠯᠭᠠ᠄ ᠶᠡᠷᠤᠩᠭᠡᠢ ᠳᠤ ᠨᠢ ᠰᠢᠩᠭᠡᠭᠡᠭᠴᠢ ᠮᠠᠨᠳᠣᠯ᠂ ᠨᠠᠷᠠᠨ ᠮᠠᠨᠳᠣᠯ᠂ ᠭᠤᠶᠤ —13 ᠵᠡᠷᠭᠡ | ᠨᠠᠶᠢᠷᠠᠯᠭᠠ ᠶᠢ ᠡᠳᠦᠷ ᠲᠤ ᠭᠤᠷᠪᠠ ᠣᠳᠠᠭᠠ ᠳᠡᠰ ᠳᠠᠷᠠᠭᠠᠯᠠᠨ ᠰᠢᠲᠦᠭᠦᠯᠦᠨ ᠣᠣᠭᠤᠯᠭᠠᠨᠠ᠃ ᠬᠤᠪᠢᠰᠣᠩᠭᠤᠢ | ᠡᠮᠴᠢᠯᠡᠭᠡ ᠶᠡᠷᠦ ᠨᠢ ᠨᠠᠷᠠᠨ ᠮᠠᠨᠳᠣᠯ ᠢ ᠭᠤᠷᠪᠠᠨ ᠰᠢᠮᠡᠲᠦ ᠶᠠᠰᠤᠨ ᠱᠦᠯᠦ ᠪᠠᠷ ᠳᠠᠷᠤᠭᠤᠯᠤᠨ ᠤᠤᠭᠤᠯᠭᠠᠬᠤ ᠪᠤᠶᠤ | ᠪᠣᠷᠠᠮ᠂ ᠰᠢᠷᠠ ᠲᠣᠰᠣ ᠲᠠᠢ ᠣᠰᠣ ᠪᠠᠷ ᠳᠠᠷᠣᠭᠤᠯᠣᠨ ᠤᠤᠭᠤᠯᠭᠠᠨᠠ᠃ ᠨᠢᠷᠣᠭᠤ ᠪᠦᠭᠡᠷᠡ ᠪᠠᠷ ᠡᠪᠡᠳᠴᠦ ᠰᠢᠭᠡᠬᠦ | ᠨᠢ ᠳᠣᠲᠠᠭᠤ ᠪᠤᠯ ᠰᠦᠭᠮᠧᠯ —10 ᠢ ᠵᠤᠩᠯᠤᠨ —5 ᠶᠢᠨ ᠲᠠᠩ ᠳᠠᠷᠣᠭᠤᠯᠣᠨ ᠦᠭᠬᠦ ᠪᠤᠶᠤ ᠰᠢᠷᠠ ᠭᠠ —4 | ᠶᠢᠨ ᠲᠠᠩ ᠢᠶᠠᠷ ᠬᠦᠯᠭᠡᠯᠡᠨ ᠣᠣᠭᠤᠯᠭᠠᠨᠠ᠃ ᠴᠢᠬᠢ ᠱᠣᠣᠭᠢᠵᠤ᠂ ᠬᠦᠯ ᠨᠢᠷᠣᠭᠤ ᠡᠪᠡᠳᠪᠡᠯ᠂ ᠭᠤᠶᠤ —7᠂ | ᠰᠠᠷᠢᠷᠢᠨᠴᠢᠨ᠂ ᠰᠦᠭᠮᠧᠯ —13 ᠵᠡᠷᠭᠡ ᠨᠠᠶᠢᠷᠠᠯᠭᠠ ᠠᠴᠠ ᠵᠤᠬᠢᠰᠲᠠᠢ ᠶᠢ ᠰᠣᠩᠭᠤᠨ ᠣᠣᠭᠤᠯᠭᠠᠨᠠ᠃ ᠬᠡᠩᠭᠡᠷᠭᠡ | ᠡᠪᠡᠰᠦ —13᠂ ᠬᠡᠩᠭᠡᠷᠭᠡ ᠡᠪᠡᠰᠦ —14 ᠢ ᠦᠭᠭᠦᠪᠡᠯ ᠮᠠᠰᠢ ᠲᠣᠰᠠᠲᠠᠢ ᠪᠦᠭᠡᠳ ᠪᠠᠰᠠ ᠨᠦᠬᠦᠴᠡᠯ ᠲᠠᠢ ᠪᠤᠯ | ᠭᠤᠶᠤ —7 ᠶᠢ ᠬᠤᠨᠢᠨ ᠪᠦᠭᠡᠷᠡᠨ ᠳᠤ ᠬᠢᠵᠦ ᠵᠢᠩᠨᠡᠵᠦ ᠢᠳᠡᠭᠦᠯᠦᠨᠡ᠃ ᠪᠦᠭᠡᠷᠡᠨ ᠤ ᠣᠷᠬᠠᠭ ᠬᠠᠯᠠᠭᠤᠨ ᠲᠠᠢ | ᠪᠤᠯ ᠰᠠᠷᠠᠨ ᠭᠠᠷᠣᠳᠢ᠂ ᠪᠦᠭᠡᠷᠡᠨ ᠤ ᠠᠷᠣᠷᠠ —10 ᠶᠢ ᠰᠢᠷᠠ ᠭᠠ —4 ᠶᠢᠨ ᠲᠠᠩ ᠪᠤᠯᠤᠨ ᠭᠤᠷᠪᠠᠨ ᠣᠯᠠᠭᠠᠨ | ᠤ ᠲᠠᠩ ᠢᠶᠠᠷ ᠳᠠᠷᠣᠭᠤᠯᠣᠨ ᠣᠣᠭᠤᠯᠭᠠᠨᠠ᠃ ᠣᠯᠠᠮᠵᠢᠯᠠᠯᠲᠣ ᠵᠠᠰᠠᠯ ᠨᠢ ᠡᠮᠲᠦ ᠷᠠᠰᠢᠶᠠᠨ ᠪᠤᠶᠤ ᠬᠠᠯᠠᠭᠤᠨ | ᠷᠠᠰᠢᠶᠠᠨ ᠳᠤ ᠰᠠᠭᠤᠬᠤ᠂ ᠪᠦᠭᠡᠷᠡ ᠶᠢᠨ ᠪᠡᠯᠴᠢᠷ ᠢᠶᠠᠷ ᠭᠤᠤᠯ ᠪᠤᠯᠭᠠᠨ ᠢᠯᠢᠵᠦ ᠨᠤᠬᠤᠯᠠᠬᠤ ᠪᠠ ᠬᠠᠯᠠᠭᠤᠨ ᠵᠡᠬᠦᠦ | ᠪᠤᠶᠤ ᠳᠦᠭᠡᠨᠡ ᠵᠠᠰᠠᠯ ᠢ ᠬᠢᠪᠡᠯ ᠲᠣᠰᠠᠲᠠᠢ ᠪᠠᠶᠢᠳᠠᠭ᠃ ᠳᠠᠪᠤᠨ ᠦᠨᠳᠦᠰᠦᠨ ᠤ ᠳᠣᠰᠣᠨ ᠡᠮ ᠪᠤᠶᠤ ᠪᠠᠰᠠᠮ ᠤᠨ | ᠳᠤᠰᠣᠨ ᠡᠮ ᠢ ᠶᠣᠰᠣᠴᠢᠯᠠᠨ ᠨᠠᠶᠢᠷᠠᠭᠤᠯᠵᠣ ᠣᠣᠭᠤᠯᠭᠠᠪᠠᠯ ᠮᠠᠰᠢ ᠲᠣᠰᠠᠲᠠᠢ ᠶᠤᠮ᠃ | ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠯᠲᠡ ᠪᠠ ᠰᠣᠪᠢᠯᠠᠯᠲᠠ᠄ ᠤᠶᠤᠨ ᠰᠠᠨᠠᠭᠠᠨ ᠤ ᠳᠠᠷᠣᠭᠠᠰᠣ ᠶᠢ ᠬᠦᠩᠭᠡᠯᠡᠵᠦ᠂ | ᠰᠡᠷᠢᠬᠦᠨ ᠴᠢᠨᠡᠷ ᠲᠠᠢ ᠢᠳᠡᠭᠡᠨ ᠤᠮᠳᠠᠭᠠᠨ ᠪᠠ ᠠᠷᠢᠬᠢ ᠬᠢᠭᠡᠳ ᠳᠠᠭᠠᠷᠠᠵᠦ ᠵᠢᠩᠭᠢᠨᠡᠬᠦ ᠴᠢᠭᠢᠭ ᠨᠤᠶᠢᠳᠠᠨ᠂ | ᠪᠤᠷᠤᠭᠠᠨ ᠬᠤᠷᠠ ᠳᠤ ᠨᠤᠷᠬᠤ᠂ ᠬᠡᠳᠦᠷᠬᠡᠢ ᠬᠦᠴᠦᠯᠡᠬᠦ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠵᠦ᠂ ᠳᠣᠯᠢᠶᠠᠨ ᠪᠦᠯᠢᠶᠠᠨ ᠣᠷᠴᠢᠨ | ᠳᠣᠭᠤᠷᠢᠨ ᠳᠤ ᠵᠤᠬᠢᠰᠳᠡᠢ ᠪᠡᠶᠡ ᠶᠢᠨ ᠭᠦᠳᠡᠯᠭᠡᠭᠡᠨ ᠳᠤ ᠣᠷᠣᠯᠴᠠᠵᠣ ᠡᠪᠡᠳᠴᠢᠨ ᠢ ᠢᠯᠠᠨ ᠳᠠᠪᠠᠭ᠋ᠤ ᠢᠲᠡᠭᠡᠯ | ᠵᠣᠷᠢᠭ ᠢ ᠡᠷᠬᠢᠮᠯᠡᠨᠡ᠃ |