| ᠦᠵᠦᠮᠦᠴᠢᠨ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠ ᠲᠡᠤᠬᠡᠨ ᠠᠴᠠ ᠠᠪᠤᠭᠠᠳ ᠡᠯᠳᠡᠪ ᠲᠤᠮ ᠵᠠᠰᠠᠯ ᠬᠢᠬᠦ | ᠵᠠᠩᠰᠢᠯ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠠᠶᠢᠳᠠᠭ᠂ ᠤᠯᠠᠨ ᠵᠠᠭᠤᠨ ᠵᠢᠯ ᠤᠨ ᠲᠤᠷᠰᠢᠳᠠ ᠬᠤᠷᠠᠮᠳᠤᠭᠤᠯᠤᠭᠳᠠᠭᠰᠠᠨ | ᠡᠮᠨᠡᠯᠭᠡ ᠳᠤ ᠪᠠᠶᠢᠬᠤ ᠪᠤᠶᠤ ᠪᠠᠶᠢᠬᠤ ᠦᠭᠡᠢ ᠨᠢᠭᠡ ᠵᠦᠢᠯ ᠤᠨ ᠪᠡᠯᠡᠨ ᠠᠨᠠᠭᠠᠬᠤ ᠮᠡᠳᠡᠯᠭᠡ ᠶᠢᠨ ᠢᠯᠡᠷᠡᠯ ᠪᠠ ᠬᠡᠯᠪᠡᠷᠢ | ᠪᠤᠯᠤᠨᠠ᠂ ᠡᠭᠦᠨ ᠢ ︽ᠲᠤᠮᠨᠤᠬᠤ︾᠂ ︽ᠡᠮ ᠲᠤᠮ︾᠂ ︽ᠲᠤᠮ ᠳᠠᠷᠤᠯᠭᠠ︾᠂ ︽ᠲᠤᠮ ᠲᠤᠬᠢᠶᠠ︾ ᠬᠡᠭᠦ | ᠮᠡᠳᠦ ᠪᠠᠷ ᠬᠡᠯᠡᠳᠡᠭ᠂ ᠲᠤᠮ ᠤᠨ ᠲᠤᠬᠠᠢ ᠠᠵᠢᠭᠯᠠᠪᠠᠯ ᠵᠠᠷᠢᠮ ᠨᠢ ᠲᠦᠭᠦᠮ ᠡᠮᠨᠡᠯᠭᠡ ᠶᠢᠨ ᠴᠢᠨᠠᠷ ᠲᠠᠢ᠂ ᠵᠠᠷᠢᠮ ᠨᠢ | ᠳᠠᠷᠤᠯᠭᠠ ᠶᠢᠨ ᠴᠢᠨᠠᠷ ᠲᠠᠢ ᠪᠤᠶᠤ ᠵᠦᠩᠨᠡᠯ ᠪᠡᠯᠭᠡᠳᠡᠯ ᠤᠨ ᠴᠢᠨᠠᠷ ᠲᠠᠢ ᠵᠡᠷᠭᠡ ᠤᠯᠠᠨ ᠳᠠᠯᠠᠰᠳᠦ ᠪᠠᠶᠢᠳᠠᠭ᠂ ᠲᠤᠮ | ᠨᠢ ᠪᠡᠯᠡᠨ ᠮᠡᠳᠡᠯᠭᠡ ᠶᠢᠨ ᠲᠤᠭᠤᠷᠢᠨ ᠳᠤ ᠠᠪᠤᠨ ᠲᠤᠤᠷᠠ ᠪᠠᠨ ᠠᠮᠵᠢᠯᠳᠠ ᠤᠯᠬᠤ ᠪᠠᠷ ᠤᠷᠢᠳᠠᠯ ᠪᠤᠯᠭᠠᠨ ᠬᠢᠭᠳᠡᠵᠦ᠂ | ᠪᠡᠯᠭᠡ ᠲᠤᠬᠢᠶᠠ ᠪᠠᠷ ᠢᠯᠡᠷᠡᠭᠰᠡᠨ ᠪᠤᠶᠤ ᠡᠰᠡᠷᠭᠦ ᠮᠠᠭᠤ ᠦᠵᠡᠭᠳᠡᠯ ᠤᠨ ᠡᠭᠦᠰᠬᠦ ᠶᠢ ᠰᠡᠷᠭᠡᠶᠢᠯᠡᠬᠦ᠂ ᠬᠠᠷᠰᠢ | ᠰᠠᠭᠠᠳ ᠢ ᠵᠠᠶᠢᠯᠠᠭᠤᠯᠬᠤ᠂ ᠡᠪᠡᠳᠴᠢᠨ ᠭᠡᠮ ᠢ ᠵᠠᠰᠠᠵᠦ ᠡᠳᠡᠭᠡᠬᠦ ᠬᠡᠷᠡᠭᠯᠡᠭᠡᠨ ᠤ ᠵᠤᠷᠢᠯᠭᠠ ᠲᠠᠢ ᠪᠠᠶᠢᠳᠠᠭ ᠢᠶᠠᠷ | ᠤᠨᠴᠠᠯᠢᠭᠳᠠᠳᠠᠭ᠂ ᠲᠤᠮ ᠤᠨ ᠦᠢᠯᠡ ᠶᠠᠪᠤᠳᠠᠯ ᠨᠢ ᠲᠤᠮᠴᠢ᠂ ᠲᠤᠮ ᠤᠨ ᠰᠢᠯᠳᠠᠭᠠᠨ᠂ ᠲᠤᠮ ᠤᠨ ᠠᠷᠭᠠ ᠠᠪᠴᠠᠯ | ᠂ ᠲᠤᠮ ᠤᠨ ᠰᠢᠪᠰᠢᠯᠭᠡ᠂ ᠲᠤᠮ ᠤᠨ ᠬᠡᠷᠡᠭᠰᠡᠯ ︵ᠬᠠᠷᠢᠭᠤᠯᠭᠠ︶ ᠵᠡᠷᠭᠡ ᠠᠭᠤᠯᠭᠠ ᠶᠢᠨ ᠪᠦᠳᠦᠴᠡ ᠲᠠᠢ ᠰᠢᠭ | ᠠᠵᠢᠭᠯᠠᠭᠳᠠᠵᠦ ᠪᠠᠶᠢᠨᠠ᠃ ᠮᠡᠭᠦᠰ ᠪᠢ ᠦᠵᠦᠮᠦᠴᠢᠨ ᠠᠷᠠᠳ ᠤᠨ ᠲᠤᠮ ᠤᠨ ᠲᠤᠬᠠᠢ ᠴᠤᠭᠯᠠᠭᠤᠯᠭᠠ ᠬᠢᠵᠦ᠂ | ᠲᠦᠭᠦᠮ ᠤᠶᠢᠯᠠᠪᠤᠷᠢ ᠶᠢᠨ ᠵᠠᠳᠠᠯᠤᠯᠳᠠ ᠪᠠᠷ ᠤᠳᠤᠷᠢᠳᠤᠮᠵᠢ ᠪᠤᠯᠭᠠᠨ᠂ ︽ᠲᠤᠮ ᠦᠢᠯᠡ︾᠂ ︽ᠲᠤᠮ ᠵᠠᠰᠠᠯ︾᠂ | ︽ᠲᠤᠮ ᠳᠠᠷᠤᠯᠭᠠ︾ ᠭᠡᠬᠦ ᠭᠤᠷᠪᠡᠨ ᠪᠦᠯᠦᠭ ᠠᠭᠤᠯᠭᠠ ᠪᠠᠷ ᠠᠩᠭᠢᠯᠠᠵᠦ᠂ ᠠᠳᠤᠭᠤᠨ ᠤ ᠲᠤᠮ ᠢ ᠠᠰ ᠳᠤᠨᠢ | ᠤᠷᠤᠭᠤᠯᠵᠦ ᠲᠠᠪᠤᠨ ᠪᠦᠯᠦᠭ ᠬᠤᠪᠢᠶᠠᠵᠦ ᠦᠷᠭᠦᠯᠵᠢᠯᠡᠭᠦᠯᠦᠨ ᠳᠡᠮᠳᠡᠭᠯᠡᠪᠡ᠃ | ᠨᠢᠭᠡ᠂ ᠲᠤᠮ ᠦᠢᠯᠡ | 1. ᠦᠵᠦᠮᠦᠴᠢᠨ ᠳᠤ ᠬᠠᠪᠤᠷ ᠴᠠᠭ ᠤᠨ ᠪᠤᠭ ᠮᠠᠯ ᠤᠨ ᠲᠦᠯ ︵ᠬᠤᠷᠠᠭᠠ ᠢᠰᠢᠭᠡ︶ ᠢ ᠴᠠᠭᠠᠯᠠᠬᠤ ᠳᠤ | ᠰᠤᠮᠤᠴᠢ ︵ᠴᠠᠭᠠᠯᠠᠭᠴᠢ︶ ᠵᠠᠯᠠᠵᠦ᠂ ᠭᠡᠷ ᠤᠨ ᠮᠤᠳᠤᠨ ᠪᠠᠭᠠᠨᠠ ᠪᠠᠨ ᠬᠦᠨᠳᠡᠯᠡᠨ ᠭᠠᠵᠠᠷ ᠳᠠᠯᠪᠢᠵᠦ᠂ ᠳᠡᠭᠡᠭᠦᠷ ᠨᠢ | ᠵᠠᠰᠠᠵᠦ ᠢᠷᠭᠡᠯᠡᠭᠰᠡᠨ ᠲᠦᠯ ᠮᠠᠯ ᠢᠶᠠᠨ ᠭᠠᠷᠭᠠᠳᠠᠭ᠂ ᠴᠠᠭᠠᠯᠠᠭᠴᠢ ᠨᠢ ᠲᠦᠯ ᠮᠠᠯ ᠤᠨ ᠲᠦᠮᠦᠰᠦ ᠶᠢ ᠰᠤᠭᠤᠯᠤᠨ | ᠠᠪᠤᠭᠠᠳ ︽ᠤᠮ ᠲᠤᠮ᠂ ᠣᠮ ᠲᠤᠮ ᠬᠤᠷᠳᠤᠨ ᠳᠡᠩᠬᠡ︾ ᠭᠡᠵᠦ ᠰᠢᠪᠰᠢᠳᠡᠭ ᠶᠤᠮ᠂ ᠡᠨᠡ ᠨᠢ ᠠᠯᠳᠠᠨ | ᠪᠠᠭᠠᠨᠠ ᠪᠠᠷ ᠦᠩᠭᠡᠷᠡᠭᠦᠯᠪᠡᠯ ᠵᠠᠰᠠᠭᠠ ᠬᠦᠩᠭᠡᠨ ᠮᠦᠷᠳᠡᠭᠡᠨ ᠬᠤᠷᠳᠤᠨ ᠡᠳᠡᠭᠡᠷᠡᠵᠦ᠂ ᠮᠠᠯ ᠪᠦᠬᠡᠵᠢᠳᠡᠭ ᠬᠡᠳᠡᠭ᠃ | ᠡᠭᠦᠨ ᠳᠤ ᠲᠤᠳᠤᠷᠠᠭᠤᠯᠤᠨ ᠵᠠᠳᠠᠯᠪᠠᠯ᠄ ᠲᠤᠮᠴᠢ ᠨᠢ᠄ ᠴᠠᠭᠠᠯᠠᠭᠴᠢ᠂ ᠰᠢᠯᠳᠠᠭᠠᠨ ᠨᠢ᠄ ᠴᠠᠭᠠᠯᠠᠬᠤ ᠶᠠᠪᠤᠳᠠᠯ᠂ | ᠲᠤᠮ ᠤᠨ ᠰᠢᠪᠰᠢᠯᠭᠡ ᠨᠢ᠄ ᠤᠮ ᠲᠤᠮ ᠬᠤᠷᠳᠦᠨ ᠲᠡᠩᠬᠡ᠂ ᠲᠤᠮ ᠤᠨ ᠬᠡᠷᠡᠭᠰᠡᠯ ᠨᠢ᠄ ᠪᠠᠭᠠᠨᠠ᠂ ᠠᠷᠭᠠ ᠠᠪᠴᠢᠯ | ᠨᠢ ᠪᠦᠬᠦᠶᠢᠯᠡ ᠶᠠᠪᠤᠴᠠ ᠭᠡᠬᠦ ᠵᠡᠷᠭᠡ ᠪᠠᠷ ᠢᠯᠭᠠᠭᠳᠠᠵᠦ ᠪᠠᠶᠢᠨᠠ᠃ | 2. ᠬᠡᠤᠬᠡᠳ ᠲᠤᠭᠳᠠᠬᠤ ᠦᠭᠡᠢ ᠠᠶᠢᠯ ᠪᠤᠶᠤ ᠠᠩᠬᠠᠨ ᠤ ᠬᠡᠤᠬᠡᠳ ᠢ ᠬᠦᠩᠭᠡᠵᠢᠬᠦ ᠳᠤ ᠤᠨᠳᠤᠤ ᠠᠪᠤ ᠡᠵᠢ | ᠳᠠᠨᠢᠭᠤᠯᠬᠤ ᠪᠤᠶᠤ ᠡᠩᠬᠦᠷᠡᠶᠢᠯᠡᠭᠰᠡᠨ ᠨᠡᠷᠡ ᠳᠠᠷᠤᠢ ᠮᠠᠭᠤ ᠨᠤᠬᠠᠢ ︵ᠮᠤᠤᠨᠤᠬᠠᠢ︶᠂ ᠭᠦᠯᠦᠭᠡ᠂ ᠤᠨᠠᠭᠠ᠁ ᠭᠡᠬᠦ | ᠵᠡᠷᠭᠡ ᠲᠦᠷᠦᠯ ᠬᠤᠪᠢᠷᠭᠠᠭᠰᠠᠨ ᠨᠡᠷᠡ ᠦᠭᠴᠦ ᠪᠠᠶᠢᠳᠠᠭ ᠪᠠ ᠬᠦᠤ ᠬᠡᠤᠬᠡᠳ ᠢ ︿︿ᠬᠡᠤᠬᠡᠨ﹀﹀ ᠭᠡᠵᠦ ᠴᠢᠨᠠᠷ | ᠬᠤᠪᠢᠷᠭᠠᠭᠰᠠᠨ ᠨᠡᠷᠡ ᠦᠭᠴᠦ᠂ ᠬᠡᠤᠬᠡᠳ ᠤᠨ ᠡᠩᠬᠡ ᠮᠡᠨᠳᠦ ᠶᠢ ᠪᠠᠳᠤᠯᠠᠨ ᠲᠤᠮ ᠳᠠᠷᠤᠯᠭᠠ ᠪᠤᠯᠭᠠᠳᠠᠭ ᠶᠤᠮ᠃ | ᠡᠭᠦᠨ ᠳᠤ ᠵᠠᠳᠠᠯᠪᠠᠯ᠄ ᠲᠤᠮᠴᠢ ᠨᠢ᠄ ᠭᠡᠷ ᠤᠨ ᠡᠵᠡᠨ ᠪᠠ ᠨᠠᠷᠠ ᠦᠭᠭᠦᠭᠴᠢ᠂ ᠰᠢᠯᠳᠠᠭᠠᠨ ᠨᠢ᠄ ᠬᠡᠤᠬᠡᠳ ᠤᠨ | ᠶᠠᠪᠤᠳᠠᠯ᠂ ᠲᠤᠮ ᠤᠨ ᠰᠢᠪᠰᠢᠯᠭᠡ ᠨᠢ᠄ ᠨᠡᠷᠡ᠂ ᠲᠤᠮ ᠤᠨ ᠬᠡᠷᠡᠭᠰᠡᠯ ᠨᠢ᠄ ᠳᠠᠨᠢᠭᠤᠯᠤᠭᠰᠠᠨ ᠠᠪᠤ ᠡᠵᠢ ᠪᠤᠶᠤ | ᠲᠦᠷᠦᠯ ᠪᠠ ᠴᠢᠨᠠᠷ ᠢ ᠬᠤᠪᠢᠷᠭᠠᠭᠰᠠᠨ ᠬᠡᠤᠬᠡᠳ ᠤᠨ ᠨᠡᠷᠡ ᠪᠤᠯᠤᠨᠠ᠃ ᠲᠤᠤᠷᠠ ᠲᠤᠮ ᠰᠢᠪᠰᠢᠯᠭᠡ ᠶᠢᠨ ᠪᠤᠳᠠᠳᠤ | ᠠᠭᠤᠯᠭᠠ ᠶᠢ ᠵᠠᠳᠠᠯᠤᠯᠳᠠ ᠬᠢᠬᠦ ᠦᠭᠡᠢ ᠪᠠᠷ ᠲᠦᠭᠦᠮᠴᠢᠯᠡᠨ ᠪᠢᠴᠢᠭᠯᠡᠰᠦᠭᠡᠢ᠄ | 3. ᠨᠢᠯᠬᠠ ᠬᠡᠤᠬᠡᠳ ᠤᠨ ᠴᠤᠴᠢᠵᠦ ᠰᠡᠷᠢᠬᠦ ᠪᠠ ᠵᠡᠭᠦᠳᠤᠨ ᠢᠶᠠᠷ ᠬᠠᠷᠠ ᠳᠠᠷᠤᠬᠤ ᠶᠢ ᠰᠡᠷᠭᠡᠶᠢᠯᠡᠵᠦ᠂ | ᠰᠠᠭᠠᠳᠠᠭᠤᠯᠤᠨ ᠤᠨᠳᠠᠭᠤᠯᠤᠭᠠᠳ ᠬᠠᠮᠠᠷ ᠳᠡᠭᠡᠷᠡ ᠨᠢ ᠲᠤᠭᠤᠭᠠᠨ ᠤ ᠭᠦ᠋ ᠶᠢ ᠲᠦᠷᠬᠢᠵᠦ ᠳᠠᠯᠪᠢᠳᠠᠭ᠂ ᠢᠩᠭᠢᠪᠡᠯ | ᠳᠠᠶᠢᠪᠤᠩ ᠤᠨᠳᠠᠨᠠ ᠭᠡᠳᠡᠭ᠃ | 4. ᠨᠢᠯᠬᠠ ᠬᠡᠤᠬᠡᠳ ᠤᠨ ᠦᠯᠦᠭᠡᠢ ᠶᠢᠨ ᠵᠤᠯᠠᠢ ᠪᠤᠶᠤ ᠡᠩᠭᠡᠭᠡ ᠳᠡᠭᠡᠳᠡᠭ ︵ᠬᠡᠤᠬᠡᠳ ᠤᠨ ᠬᠤᠪᠴᠠᠰᠤ︶ | ᠤᠨ ᠵᠠᠭᠠᠮᠠ ᠶᠢᠨ ᠠᠷᠤ ᠳᠤ ᠪᠢᠴᠢᠬᠠᠨ ᠸᠠᠴᠢᠷ᠂ ᠠᠯᠤᠬᠠ᠂ ᠴᠢᠨ᠋ᠸᠠ ᠶᠢᠨ ᠱᠠᠭᠠ᠂ ᠦᠨᠡᠭᠡᠨ ᠤ ᠰᠠᠷᠢᠰᠤᠨ ᠬᠠᠮᠠᠷ | ᠵᠡᠷᠭᠡ ᠶᠢ ᠵᠡᠭᠦᠯᠭᠡᠨ ᠤᠶᠤᠵᠦ᠂ ᠪᠦᠬᠡᠵᠢᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠤᠮ ᠬᠢᠭᠡᠳ ᠪᠡᠯᠭᠡᠳᠡᠯ ᠪᠤᠯᠭᠠᠳᠠᠭ᠃ | 5. ᠳᠠᠰᠢᠭᠤᠷ ᠪᠠᠷᠢᠵᠦ ᠭᠡᠷ ᠲᠤ ᠤᠷᠤᠪᠠᠯ ᠳᠡᠭᠡᠷᠡᠮ ᠬᠤᠯᠠᠭᠠᠢ ᠲᠤᠬᠢᠶᠠᠯᠳᠤᠬᠤ ᠮᠠᠭᠤ ᠢᠷᠸᠠ ᠭᠡᠵᠦ᠂ | ᠳᠠᠰᠢᠭᠤᠷ ᠢ ᠪᠠᠭᠠ ᠵᠤᠷᠭᠤᠵᠦ ᠠᠪᠤᠭᠠᠳ ᠭᠠᠯ ᠳᠤ ᠬᠢᠬᠦ ᠪᠠ ᠬᠠᠭᠠᠯᠭᠠ ᠪᠠᠷ ᠭᠠᠳᠠᠭᠰᠢ ᠰᠢᠳᠡᠵᠦ ᠭᠠᠷᠭᠠᠬᠤ | ᠪᠦᠭᠡᠳ ᠪᠠᠷᠢᠵᠦ ᠭᠠᠷᠳᠠᠭ ᠦᠭᠡᠢ᠃ | 6. ᠬᠡᠤᠬᠡᠳ ᠤᠨ ᠨᠢᠯᠬᠠ ᠶᠢᠨ ᠰᠢᠳᠦ ᠨᠢ ᠤᠨᠠᠪᠠᠯ ᠵᠠᠯᠠᠭᠤ ᠨᠤᠬᠠᠢ ᠳᠤ ᠦᠭᠡᠬᠦᠨ ᠳᠤ ᠪᠤᠭᠤᠵᠦ | ᠦᠭᠬᠦ ᠳᠡᠭᠡᠨ ︽ᠴᠢ ᠨᠠᠳᠠ ᠳᠤ ᠴᠠᠭᠠᠨ ᠰᠢᠳᠦ ᠪᠠᠨ ᠦᠭ᠂ ᠮᠢᠨᠦ ᠮᠠᠭᠤᠬᠠᠢ ᠰᠢᠳᠦ ᠶᠢ ᠠᠪ︾ ᠭᠡᠳᠡᠭ᠃ | 7. ᠮᠠᠭᠤ ᠵᠡᠭᠦᠳᠦ ᠵᠡᠭᠦᠳᠦᠯᠡᠪᠡᠯ ᠬᠤᠯᠤᠭᠠᠨᠠ ᠴᠠᠭ ᠲᠤ ᠨᠢᠭᠤᠷ ᠢᠶᠠᠨ ᠤᠬᠢᠶᠠᠵᠦ᠂ ᠴᠠᠭᠠᠨ ᠴᠠᠭᠠᠰᠤ ᠪᠠᠷ | ᠠᠷᠴᠢᠭᠠᠳ ᠵᠠᠭᠤᠨ ᠠᠯᠬᠤᠮ ᠤᠨ ᠴᠠᠭᠠᠨᠠ ᠮᠠᠭᠤ ᠵᠦᠭ ᠲᠤ ︽ᠰᠠᠶᠢᠨ ᠨᠠᠰᠢ ᠪᠠᠨ᠂ ᠮᠠᠭᠤ ᠴᠠᠰᠢ ᠪᠠᠨ︕︾ | ᠭᠡᠵᠦ ᠰᠢᠪᠰᠢᠭᠡᠳ ᠠᠰᠬᠠᠨᠠ᠃ | 8.ᠦᠰᠦ ᠪᠠᠨ ᠬᠤᠯᠭᠤᠢ ᠳᠤ ︵ᠪᠦᠭᠡᠮ ᠢᠶᠠᠷ ᠬᠠᠯᠴᠠᠭᠠᠶᠢᠷᠠᠬᠤ︶ ᠠᠯᠳᠠᠪᠠᠯ ᠦᠯᠦᠨ ᠰᠢᠯᠦᠰᠦ ᠪᠠᠨ | ᠲᠦᠷᠬᠢᠭᠰᠡᠨ ᠢᠶᠠᠨ ︽ᠤᠸ᠋ᠮ︾ ᠦᠰᠦᠭ ᠵᠢᠷᠤᠵᠦ ᠲᠤᠮᠨᠠᠨ ᠳᠠᠯᠪᠢᠨᠠ᠃ | 9. ᠦᠰᠦ ᠵᠠᠳᠠᠯᠬᠤ ᠳᠤ ᠢᠪᠡᠭᠡᠯ ᠵᠢᠯ ᠨᠢ ᠲᠠᠭᠠᠷᠠᠬᠤ ᠦᠭᠡᠢ ᠪᠤᠯ ᠮᠦᠷᠭᠦᠭᠦᠯᠦᠭᠰᠡᠨ ᠠᠪᠤ ᠡᠵᠢ ᠨᠢ ᠬᠡᠤᠬᠡᠨ | ᠲᠠᠢ ᠢᠪᠡᠭᠡᠯ ᠵᠢᠯ ᠨᠢᠭᠡᠳᠡᠢ ᠲᠠᠢ ᠬᠦᠮᠦᠨ ᠤ ᠦᠰᠦᠨ ᠠᠴᠠ ᠠᠪᠴᠤ᠂ ᠦᠰᠦ ᠬᠠᠭᠠᠯᠬᠤ ᠳᠠᠭᠠᠨ ᠬᠤᠯᠢᠵᠦ ᠭᠦᠷᠦᠨ | ᠲᠤᠮ ᠪᠤᠯᠭᠠᠳᠠᠭ᠃ | 10. ᠭᠠᠯ ᠲᠦᠢᠮᠡᠷ ᠲᠤ ᠳᠠᠭᠠᠷᠢᠭᠳᠠᠪᠠᠯ ᠭᠡᠷ ᠤᠨ ᠢᠶᠠᠨ ᠰᠠᠯᠬᠢᠨ ᠳᠡᠭᠡᠷᠡ ᠲᠤᠭᠤᠭᠠ ᠪᠠᠨ ᠬᠦᠮᠦᠷᠢᠨ | ᠳᠠᠯᠪᠢᠵᠦ᠂ ᠲᠡᠭᠷᠢ ᠳᠤ ᠵᠠᠯᠪᠠᠷᠢᠨ ᠰᠢᠪᠰᠢᠪᠡᠯ ᠲᠦᠢᠮᠡᠷ ᠤᠨ ᠭᠠᠯ ᠬᠠᠭᠠᠷᠠᠵᠦ ᠭᠠᠷᠳᠠᠭ ᠤᠴᠢᠷ ᠲᠠᠢ᠃ | 11. ᠴᠢᠳᠦᠷ ᠢ ᠲᠤᠰ ᠢᠶᠠᠷ ᠨᠢ ᠭᠡᠷ ᠲᠤ ᠪᠠᠷᠢᠵᠦ ᠤᠷᠤᠵᠦ ᠪᠤᠯᠳᠠᠭ ᠦᠭᠡᠢ᠂ ᠪᠡᠷᠢᠭ᠌ᠳᠠᠵᠦ ᠬᠦᠯᠢᠭᠳᠡᠬᠦ ᠶᠢᠨ | ᠮᠠᠭᠤ ᠢᠷᠸᠠ ᠭᠡᠵᠦ᠂ ᠴᠢᠳᠦᠷ ᠢᠶᠠᠨ ᠭᠡᠷ ᠠᠴᠠ ᠪᠠᠷᠢᠵᠦ ᠭᠠᠷᠳᠠᠭ ᠦᠭᠡᠢ ᠭᠠᠳᠠᠭᠰᠢ ᠬᠠᠭᠠᠯᠭᠠ ᠪᠠᠷ ᠰᠢᠳᠡᠵᠦ | ᠭᠠᠷᠭᠠᠳᠠᠭ ᠵᠠᠩᠰᠢᠯ ᠲᠠᠢ᠃ |