| ᠦᠵᠦᠮᠦᠴᠢᠨ ᠠᠶᠢᠮᠠᠭ ᠤᠨ ᠡᠭᠦᠰᠦᠯ ᠭᠠᠷᠤᠯ ᠤᠨ ᠲᠤᠬᠠᠢ ᠤᠯᠠᠩᠬᠢ ᠲᠡᠤᠬᠡᠴᠢᠳ ᠲᠡᠤᠬᠡᠨ ᠠᠮᠠᠨ | ᠤᠯᠠᠮᠵᠢᠯᠠᠯ᠂ ᠤᠤᠭᠠᠯ ᠭᠠᠵᠠᠷ ᠤᠨ ᠤᠯᠠᠮᠵᠢ ᠨᠡᠷᠡ᠂ ᠤᠪᠤᠭ ᠤᠭᠰᠠᠭᠠ ᠶᠢᠨ ᠢᠵᠠᠭᠤᠷ᠂ ᠠᠮᠢᠳᠤᠷᠠᠯ ᠵᠠᠩ ᠦᠢᠯᠡ | ᠂ ᠮᠠᠯ ᠠᠵᠦ ᠠᠬᠤᠢ ᠵᠡᠷᠭᠡ ᠳᠠᠯᠠ ᠪᠠᠷ ᠬᠤᠯᠪᠤᠨ ᠰᠤᠳᠤᠯᠬᠤ ᠶᠢᠨ ᠳ᠋ᠦᠩ ᠳᠤ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠨᠢᠭᠡ ᠭᠡᠰᠡᠭ | ᠭᠡᠵᠦ ᠦᠵᠡᠳᠡᠭ᠂ ᠤᠶᠢᠷᠠᠳ ᠪᠤᠯ ᠡᠷᠳᠡᠨ ᠤ ᠨᠢᠭᠡᠨ ᠠᠶᠢᠮᠠᠭ ᠪᠦᠯᠦᠭ ᠪᠤᠯᠤᠨᠠ᠂ ᠮᠠᠰᠢ ᠡᠷᠳᠡ ᠴᠠᠭ ᠲᠤ ᠪᠠᠶᠢᠭᠠᠯ | ᠳᠠᠯᠠᠢ ᠶᠢᠨ ᠡᠮᠦᠨᠡᠭᠦᠷ ᠨᠤᠲᠤᠭᠯᠠᠵᠦ ᠪᠠᠶᠢᠭᠰᠠᠨ ᠠᠩᠴᠢᠨ ᠠᠶᠢᠮᠠᠭ ᠤᠳ ᠪᠢᠯᠡ ᠭᠡᠵᠦ ᠯᠢᠤ ᠶᠢᠨ ᠰᠦᠸᠧ ︿ | ᠮᠤᠩᠭᠤᠯ ᠤᠨ ᠲᠦᠭᠡᠮᠡᠯ ᠲᠡᠤᠬᠡ﹀ ᠭᠡᠬᠦ ᠨᠤᠮ ᠳᠠᠭᠠᠨ ᠲᠡᠮᠳᠡᠭᠯᠡᠵᠠᠢ᠂ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠠᠯᠳᠠᠢ | ᠨᠢᠷᠤᠭᠤ ᠤᠷᠴᠢᠮ ᠢᠶᠠᠷ ᠡᠬᠢᠨ ᠳᠡᠭᠡᠨ ᠠᠩ ᠠᠩᠨᠠᠯ ᠡᠷᠬᠢᠯᠡᠨ ᠠᠮᠢᠳᠤᠷᠠᠵᠦ ᠪᠠᠶᠢᠬᠰᠠᠨ ᠤᠶᠢᠷᠠᠳ ᠤᠳ ᠬᠤᠵᠢᠮ ᠨᠢ | ᠠᠳᠡ ᠠᠴᠠ ᠮᠠᠯᠵᠢᠯ ᠢ ᠬᠦᠯᠢᠶᠡᠨ ᠠᠮᠢᠳᠤᠷᠠᠬᠤ ᠪᠤᠯᠵᠠᠢ᠂ ᠵᠠᠷᠢᠮ ᠬᠦᠮᠦᠰ ᠤᠶᠢᠷᠠᠳ ᠤᠨ ᠳᠡᠭᠡᠳᠦᠰ ᠢ ᠳᠠᠩ | ᠤᠯᠤᠰ ᠤᠨ ᠦᠶᠡ ᠶᠢᠨ ᠭᠢᠷᠭᠢᠰᠴᠤᠳ ᠮᠦᠨ ᠭᠡᠵᠦ ᠬᠡᠯᠡᠳᠡᠭ᠂ ᠴᠢᠩᠭᠢᠰ ᠬᠠᠭᠠᠨ ᠮᠤᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ ᠢ | ᠬᠤᠷᠢᠶᠠᠨ ᠨᠢᠭᠡᠳᠭᠡᠬᠦ ᠠᠴᠠ ᠡᠮᠦᠨᠡ ᠤᠶᠢᠷᠠᠳ ᠨᠢ ︽ᠤᠢ ᠶᠢᠨ ᠢᠷᠭᠡᠨ︾ ᠳᠤ ᠪᠠᠭᠳᠠᠵᠦ᠂ ᠲᠶᠦ᠋ᠷᠺ | ᠤᠭᠰᠠᠭᠠᠳᠠᠨ ᠪᠠᠶᠢᠭᠰᠠᠨ ᠶᠤᠮ᠂ ︽ᠶᠤᠸᠠᠨ ᠤᠯᠤᠰ ᠤᠨ ᠰᠢᠨᠡ ᠲᠡᠤᠬᠡ︾ ᠳᠤ ᠲᠡᠳᠡᠨ ᠢ ᠴᠠᠭᠠᠨ ᠲᠠᠲ᠋ᠠᠷ ᠤᠨ | ᠨᠢᠭᠡ ᠠᠶᠢᠮᠠᠭ ᠪᠤᠯᠭᠠᠨ ᠪᠢᠴᠢᠵᠠᠢ᠃ 12 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠤᠢ ᠶᠢᠨ ᠲᠦᠮᠡᠨ ᠤ ᠲᠦᠷᠦᠭᠦᠤ ᠬᠤᠳᠠᠭᠠ | ᠪᠠᠬᠢ ᠭᠡᠳᠡᠭ ᠬᠦᠮᠦᠨ ᠪᠠᠶᠢᠵᠦ᠂ ᠮᠤᠩᠭᠤᠯ ᠤᠨ ᠶᠡᠭᠡ ᠨᠢᠭᠡᠳᠦᠯ ᠤᠨ ᠦᠶᠡ ᠮᠢᠩᠭᠠᠨ ᠤ ᠨᠤᠶᠠᠨ ᠪᠤᠯᠤᠭᠰᠠᠨ ᠶᠤᠮ᠃ | | ᠦᠵᠦᠮᠦᠴᠢᠨ ᠠᠶᠢᠮᠠᠭ ᠭᠡᠵᠦ ᠬᠡᠵᠢᠶᠡ ᠠᠴᠠ ᠦᠰᠦᠭ ᠪᠢᠴᠢᠭ ᠲᠡᠭᠡᠷᠡ ᠢᠯᠡᠷᠡᠭᠰᠡᠨ ᠪᠤᠢ᠂ ᠮᠤᠩᠭᠤᠯ | ᠤᠯᠤᠰ ᠤᠨ ᠲᠡᠤᠬᠡ ᠰᠤᠳᠤᠯᠭᠠᠴᠢ ᠫᠦᠷᠪᠦᠵᠠᠪ ᠤᠨ ︽ᠬᠤᠳᠤᠭᠤᠶᠢᠳ ᠤᠨ ᠤᠭᠰᠠᠭᠠ ᠭᠠᠷᠤᠯ ᠪᠠ ᠲᠡᠤᠬᠡ ᠶᠢᠨ | ᠠᠰᠠᠭᠤᠳᠠᠯ︾ ᠭᠡᠬᠦ ᠵᠤᠬᠢᠶᠠᠯ ᠳᠠᠭᠠᠨ ︽︔︔ ᠬᠤᠶᠢᠴᠢ ︵ᠬᠤᠶᠢᠳ︶᠂ ᠤᠩᠭᠤᠳ᠂ ᠦᠵᠢᠶᠡᠳ᠂ ᠶᠦᠷᠭᠡᠨ | ᠮᠢᠩᠭᠠᠨ᠂ ᠦᠵᠦᠮᠦᠴᠢᠨ ᠭᠡᠬᠦ ᠮᠡᠳᠦ ᠪᠠᠷ ᠮᠢᠩᠭᠠᠨ ᠤ ᠲᠤᠬᠠᠢ ᠲᠤᠷᠠᠳᠴᠠᠢ︾᠂ ᠬᠡᠷᠪᠡ ᠡᠨᠡ ᠲᠤᠷᠠᠳᠤᠯᠳᠠ | ᠲᠡᠤᠬᠡ ᠶᠢᠨ ᠦᠨᠡᠨ ᠲᠠᠢ ᠨᠡᠶᠢᠴᠡᠳᠡᠭ ᠪᠤᠯ ᠦᠵᠦᠮᠦᠴᠢᠨ ᠠᠶᠢᠮᠠᠭ ᠨᠢ 13 ᠵᠠᠭᠤᠨ ᠠᠴᠠ ᠡᠮᠦᠨᠡ ᠪᠠᠶᠢᠭᠰᠠᠨ | ᠡᠷᠳᠡᠨ ᠤ ᠠᠶᠢᠮᠠᠭ ᠪᠤᠯᠤᠨᠠ᠂ ᠢᠨᠵᠠᠨᠠᠰᠢ ᠶᠢᠨ ︽ᠬᠦᠬᠡ ᠰᠤᠳᠤᠷ︾ ᠲᠤ ᠴᠢᠩᠭᠢᠰ ᠬᠠᠭᠠᠨ ᠤ ᠶᠡᠭᠡ ᠮᠤᠩᠭᠤᠯ ᠤᠨ | ᠨᠢᠭᠡᠳᠦᠯ ᠤᠨ ᠦᠶᠡ ᠶᠢᠨ ᠭᠤᠴᠢᠨ ᠵᠢᠷᠭᠤᠭᠠᠨ ᠶᠡᠭᠡ ᠤᠯᠤᠰ ᠲᠠᠯᠠᠨ ᠬᠤᠶᠠᠷ ᠪᠠᠭᠠ ᠠᠶᠢᠮᠠᠭ ᠲᠤ ︽ᠦᠵᠦᠮᠦᠴᠢᠨ | ᠠᠶᠢᠮᠠᠭ︾ ᠢ ᠲᠤᠷᠠᠳᠤᠭᠰᠠᠨ ᠪᠠᠶᠢᠳᠠᠭ᠂ ᠯᠤᠪᠰᠠᠩᠳᠠᠨᠵᠢᠨ ᠤ ︽ᠠᠯᠳᠠᠨ ᠲᠤᠪᠴᠢ︾ ᠳᠤ ᠪᠠᠳᠦᠮᠦᠩᠬᠡ ᠲᠠᠶᠠᠨ | ᠬᠠᠭᠠᠨ ᠳᠤ ᠠᠷᠭᠠ ᠡᠷᠭᠦᠳᠡᠭ ︽ᠠᠯᠠᠭᠴᠢᠳ ᠤᠨ ᠴᠠᠭᠠᠨ ᠵᠠᠭᠠᠷᠢᠨ᠂ ᠦᠵᠦᠮᠦᠴᠢᠨ ᠤ ᠡᠯᠳᠦ᠋ᠩᠭᠡ︾ ᠭᠡᠵᠦ | ᠠᠶᠢᠮᠠᠭ ᠤᠨ ᠨᠡᠷᠡ ᠪᠠ ᠬᠦᠮᠦᠨ ᠤ ᠨᠡᠷᠡ ᠬᠠᠮᠳᠦ ᠳᠠᠭᠠᠨ ᠢᠯᠡᠷᠡᠭᠰᠡᠨ ᠪᠠᠶᠢᠨᠠ᠃ | ᠦᠵᠦᠮᠦᠴᠢᠨ ᠠᠶᠢᠮᠠᠭ ᠪᠦᠯᠦᠭ ᠪᠤᠯ ᠤᠷᠳᠤ ᠬᠤᠭᠤᠴᠠᠭᠠᠨ ᠤ ᠲᠡᠤᠬᠡᠨ ᠦᠩᠭᠡᠷᠡᠯᠳᠡ ᠶᠢᠨ ᠶᠠᠪᠤᠴᠠ ᠶᠢ | ᠲᠤᠭᠤᠯᠤᠭᠰᠠᠨ ᠤᠯᠠᠨ ᠤᠪᠤᠭᠳᠠᠨ ᠶᠠᠰᠤᠳᠠᠨ ᠤ ᠪᠦᠷᠢᠯᠳᠦᠯ ᠪᠤᠯᠤᠨᠠ᠂ ᠦᠵᠦᠮᠦᠴᠢᠨ ᠠᠶᠢᠮᠠᠭ ᠤᠨ ᠡᠭᠦᠰᠦᠯ ᠤᠨ | ᠲᠤᠬᠠᠢ ᠨᠠᠷᠢᠨ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠯ ᠦᠭᠡᠢ ᠪᠤᠯᠪᠠᠴᠤ ᠤᠶᠢᠷᠠ ᠦᠶᠡ ᠶᠢᠨ ᠰᠤᠳᠤᠯᠭᠠᠴᠢᠳ ᠤᠨ ᠭᠡᠰᠡᠭ ᠪᠦᠯᠦᠭ | ᠵᠤᠬᠢᠶᠠᠯ ᠠᠴᠠ ᠠᠵᠢᠭᠯᠠᠪᠠᠯ ᠲᠡᠤᠬᠡ ᠰᠤᠳᠣᠯᠭᠠᠴᠢ ᠫᠡ᠊ ᠳᠤᠭᠠᠷ ︿︿ᠦᠵᠦᠮᠦᠴᠢᠨ ᠤ ᠲᠡᠤᠬᠡ ᠶᠢᠨ ᠪᠠᠷᠢᠮᠳᠠ | ᠪᠢᠴᠢᠭ ᠤᠳ︾ ᠭᠡᠬᠦ ᠨᠤᠮ ᠤᠨ ᠲᠠᠭᠠᠯᠳᠤᠭᠤᠯᠤᠯ ᠤᠨ ᠭᠡᠰᠡᠭ ᠲᠡᠭᠡᠨ ᠦᠵᠦᠮᠦᠴᠢᠨ ᠤᠪᠤᠭ ᠤᠭᠰᠠᠭᠠ ᠶᠢᠨ | ᠲᠠᠯᠠ ᠠᠴᠠ ᠰᠢᠨᠵᠢᠯᠡᠭᠰᠡᠨ ᠢᠶᠠᠨ ︽ᠪᠤᠷᠤᠰᠦ᠂ ᠦᠵᠡᠭᠡᠳ᠂ ᠰᠠᠷᠳᠠᠭᠤᠯ ᠮᠡᠳᠦ ᠶᠢᠨ ᠤᠪᠤᠭ ᠤᠨ ᠲᠠᠯᠠ ᠪᠠᠷ | ᠬᠡᠯᠡᠭᠰᠡᠨ ᠴᠤ ᠤᠶᠢᠷᠠᠳ ᠮᠤᠩᠭᠤᠯ ᠲᠠᠢ ᠠᠶᠢᠮᠠᠭ ᠲᠦᠷᠦᠯ︾ ᠪᠤᠯᠬᠤᠷ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠤᠭᠰᠠᠭᠠ ᠭᠠᠷᠤᠯ | ᠲᠠᠢ ᠭᠡᠵᠦ ᠦᠵᠡᠪᠡ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠠᠵᠦ ᠠᠬᠤᠢ ᠶᠢᠨ ᠰᠤᠳᠤᠯᠭᠠᠴᠢ ᠵᠡ᠊ ᠭᠤᠨᠴᠤᠭᠵᠠᠪ ︽ | ᠬᠤᠨᠢᠨ ᠤ ᠠᠵᠦ ᠠᠬᠤᠢ︾ ᠭᠡᠬᠦ ᠨᠤᠮ ᠤᠨ ᠦᠵᠦᠮᠦᠴᠢᠨ ᠤᠪᠤᠭ ᠤᠨ ᠬᠤᠨᠢ ᠭᠡᠬᠦ ᠪᠦᠯᠦᠭ ᠲᠡᠭᠡᠨ ᠦᠵᠦᠮᠦᠴᠢᠨ | ᠤᠭᠤᠴᠠᠨ ᠰᠡᠭᠦᠯᠳᠦ ᠬᠤᠨᠢ ᠶᠢ ᠪᠠᠷᠠᠭᠤᠨ ᠮᠤᠩᠭᠤᠯ ᠤᠨ ᠤᠭᠤᠴᠠᠨ ᠰᠡᠭᠦᠯᠳᠦ ᠬᠤᠨᠢ ᠲᠠᠢ ᠭᠠᠷᠤᠯ ᠡᠭᠦᠰᠦᠯ ᠤᠨ | ᠬᠤᠯᠪᠤᠭᠠ ᠲᠠᠢ ᠭᠡᠵᠦ ᠦᠵᠡᠭᠰᠡᠨ ᠪᠠ ᠦᠵᠦᠮᠦᠴᠢᠨ ᠶᠠᠰᠤᠳᠠᠨ ᠤ ᠪᠡᠯᠡᠳᠭᠡᠭᠰᠡᠨ ᠠᠭᠠᠷᠤᠤᠯ ᠬᠤᠷᠤᠳ ᠵᠡᠷᠭᠡ | ᠴᠠᠭᠠᠨ ᠢᠳᠡᠭᠡᠨ ᠤ ᠠᠮᠳᠠ ᠴᠢᠨᠠᠷ ᠬᠡᠯᠪᠡᠷᠢ ᠮᠠᠶ᠋ᠢᠭ ᠨᠢ ᠪᠠᠷᠠᠭᠤᠨ ᠮᠤᠩᠭᠤᠯ ᠤᠨ ᠮᠠᠯᠴᠢᠳ ᠤᠨ ᠬᠢ ᠲᠠᠢ ᠠᠳᠠᠯᠢᠬᠠᠨ | ᠵᠤᠵᠠᠭᠠᠨ ᠰᠢᠬᠠᠵᠦ ᠲᠦᠷᠪᠡᠯᠵᠢᠨ ᠭᠡᠷᠴᠢᠵᠦ ᠬᠠᠳᠠᠭᠠᠭᠰᠠᠨ ᠵᠡᠷᠭᠡ ᠵᠠᠩ ᠦᠢᠯᠡ ᠶᠢᠨ ᠲᠠᠯᠠ ᠪᠠᠷ ᠴᠤ ᠠᠳᠠᠯᠢᠪᠳᠤᠷ | ᠭᠡᠵᠦ ᠦᠵᠡᠭᠰᠡᠨ ᠪᠠᠶᠢᠳᠠᠭ᠂ ᠭᠤ ᠳᠠᠪᠬᠠᠢ ᠨᠦᠬᠦᠷ ︽ᠦᠵᠦᠮᠦᠴᠢᠨ ᠠᠶᠢᠮᠠᠭ ᠤᠨ ᠶᠡᠭᠡ ᠨᠡᠭᠦᠳᠡᠯ ᠤᠨ ᠲᠤᠬᠠᠢ | ᠲᠦᠭᠦᠮ ᠦᠭᠦᠯᠡᠬᠦ ᠨᠢ︾ ᠭᠡᠬᠦ ᠵᠤᠬᠢᠶᠠᠯ ᠳᠠᠭᠠᠨ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤᠶᠢᠷᠠᠳ ᠢ ᠡᠷᠬᠡᠰᠢᠶᠡᠯ ᠳᠡᠭᠡᠨ | ᠤᠷᠤᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠲᠠᠪᠤᠨ ᠵᠤᠷᠪᠤᠰ ᠴᠡᠭᠡᠷ ᠵᠢᠷᠤᠮ ᠢ ᠲᠤᠭᠳᠠᠭᠠᠵᠦ ᠦᠭᠭᠦᠭᠰᠡᠨ ᠠᠴᠠ ᠦᠵᠦᠮᠦᠴᠢᠨ ᠤ | ᠵᠠᠩ ᠦᠢᠯᠡ ᠶᠢᠨ ᠲᠠᠯᠠ ᠠᠴᠠ ᠰᠢᠨᠵᠢᠯᠡᠨ ᠮᠠᠯᠠᠭᠠᠢ ᠶᠢᠨ ᠵᠠᠯᠠᠭᠠ ᠶᠢ ᠪᠤᠭᠤᠨᠢ ᠬᠢᠳᠡᠭ᠂ ᠭᠡᠭᠦᠤ ᠶᠢᠨ ᠰᠦ ᠶᠢ ︽ | ᠴᠡᠭᠡ︾ ᠭᠡᠬᠦ᠂ ᠶᠡᠬᠡᠰ ᠤᠨ ᠳᠡᠷᠭᠡᠳᠡ ᠬᠡᠵᠢᠶᠡᠳᠡ ᠴᠤᠮᠴᠤᠶᠢᠨ ᠰᠠᠭᠤᠬᠤ᠂ ᠮᠢᠬᠠ ᠶᠢ ᠤᠯᠠᠩᠬᠢ ᠳᠠᠭᠠᠨ ᠰᠢᠳᠦ | ᠪᠠᠷ ᠢᠶᠠᠨ ᠬᠠᠵᠠᠵᠦ ᠢᠳᠡᠬᠦ ᠵᠡᠷᠭᠡ ᠨᠢ ᠲᠡᠷᠡ ᠦᠶᠡ ᠠᠴᠠ ᠡᠬᠢᠯᠡᠭᠰᠡᠨ ᠪᠠᠶᠢᠬᠠ ᠭᠡᠵᠦ ᠦᠵᠡᠭᠰᠡᠨ ᠪᠠᠶᠢᠨᠠ᠃ | | ᠲᠡᠭᠡᠪᠡᠯ ᠳᠡᠭᠡᠷᠡ ᠰᠢᠨᠵᠢᠯᠡᠯ ᠠᠴᠠ ᠠᠵᠢᠭᠯᠠᠪᠠᠯ ᠤᠭᠰᠠᠭᠠ ᠵᠦᠢ᠂ ᠵᠠᠩ ᠦᠢᠯᠡ᠂ ᠮᠠᠯ ᠠᠵᠦ ᠠᠬᠤᠢ ᠵᠡᠷᠭᠡ | ᠲᠠᠯᠠ ᠪᠠᠷ ᠦᠵᠦᠮᠦᠴᠢᠨ ᠠᠶᠢᠮᠠᠭ ᠢ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠨᠢᠭᠡ ᠭᠡᠰᠡᠭ ᠪᠤᠯᠬᠤ ᠲᠡᠭᠡᠷᠡ ᠦᠵᠡᠯᠳᠡ ᠨᠢᠭᠡᠳᠦᠯᠳᠠᠢ | ᠪᠠᠶᠢᠨᠠ᠂ ᠦᠵᠦᠮᠦᠴᠢᠨ ᠤ ᠠᠮᠠᠨ ᠤᠯᠠᠮᠵᠢᠯᠠᠯ ᠳᠤ ︽ᠠᠯᠳᠠᠢ ᠬᠠᠩᠭᠠᠢ ᠶᠢᠨ ᠦᠵᠦᠮ ᠤᠨ ᠴᠠᠭᠠᠨ ᠠᠭᠤᠯᠠ ᠠᠴᠠ | ᠨᠡᠭᠦᠵᠦ ᠢᠷᠡᠯᠡ︾ ᠭᠡᠳᠡᠭ ᠨᠢ ᠤᠶᠢᠷᠠᠳ ᠲᠠᠢ ᠨᠤᠲᠤᠭ ᠨᠢᠭᠡᠳᠠᠢ ᠭᠡᠰᠡᠨ ᠦᠭᠡ᠂ ᠡᠭᠦᠨ ᠢ ᠦᠵᠦᠮᠦᠴᠢᠨ ᠤ | ᠬᠤᠶᠠᠷ ᠤᠳᠠᠭᠠᠨ ᠤ ᠠᠯᠳᠠᠢ ᠤᠷᠤᠨ ᠤ ᠬᠠᠶᠢᠨ ᠰᠢᠨᠵᠢᠯᠡᠭᠡ ᠨᠢ ᠠᠭᠤᠯᠠ ᠤᠰᠤᠨ ᠤ ᠪᠤᠳᠠᠳᠦ ᠤᠷᠤᠰᠢᠬᠤᠢ ᠪᠠᠷ | ᠪᠠᠷᠢᠮᠳᠠ ᠪᠤᠯᠭᠠᠵᠦ ᠨᠤᠳᠠᠯᠠᠭᠰᠠᠨ ᠪᠠᠶᠢᠭᠠ ᠶᠤᠮ᠂ ᠦᠭᠡ ᠬᠡᠯᠡᠴᠡ ᠶᠢᠨ ᠲᠠᠯᠠ ᠪᠠᠷ ᠬᠤᠪᠳᠦ᠂ ᠪᠠᠶᠠᠨ ᠦᠯᠦᠭᠡᠢ ᠪᠠᠷ | ᠠᠮᠢᠳᠤᠷᠠᠨ ᠪᠠᠶᠢᠭᠠ ᠮᠠᠯᠴᠢᠳ ᠤᠨ ᠦᠭᠡ ᠶᠠᠷᠢᠶᠠ ᠠᠴᠠ ᠬᠠᠯᠬᠠ ᠠᠪᠢᠶᠠ ᠰᠢᠭ᠋ ᠰᠢᠳᠦ ᠪᠠᠨ ᠬᠡᠯᠡᠨ ᠤ | ᠦᠵᠦᠭᠦᠷ ᠢᠶᠠᠷ ᠴᠤᠬᠢᠵᠦ ᠬᠡᠯᠡᠭᠦ ᠪᠢᠰᠢ ᠬᠠᠷᠢᠨ ᠬᠡᠯᠡ ᠪᠠᠨ ᠲᠠᠩᠨᠠᠢ ᠳᠠᠭᠠᠨ ᠲᠤᠯᠭᠠᠵᠦ ᠬᠡᠯᠡᠬᠦ ᠨᠢ ᠦᠵᠦᠮᠦᠴᠢᠨ | ᠠᠪᠢᠶᠠ ᠲᠠᠢ ᠲᠦᠰᠦᠳᠠᠢ ᠪᠠᠶᠢᠨᠠ᠂ ᠡᠶᠢᠮᠦ ᠪᠠᠷ ᠦᠭᠡ ᠨᠢ ᠲᠤᠳᠦ ᠤᠶᠢᠯᠠᠭᠠᠮᠵᠢᠳᠠᠢ ᠪᠠᠶᠢᠳᠠᠭ᠂ ᠡᠭᠦᠨ ᠠᠴᠠ | ᠭᠠᠵᠠᠷ ᠵᠦᠢ᠂ ᠠᠪᠢᠶᠠ ᠵᠦᠢ ᠶᠢᠨ ᠲᠠᠯᠠ ᠪᠠᠷ ᠴᠤ ᠤᠶᠢᠷᠠᠯᠴᠠᠭᠠ ᠭᠡᠳᠡᠭ ᠢ ᠮᠡᠳᠡᠵᠦ ᠪᠤᠯᠤᠨᠠ᠂ ᠦᠵᠦᠮᠦᠴᠢᠨ | ᠠᠶᠢᠮᠠᠭ ᠤᠨ ᠡᠭᠦᠰᠦᠯ ᠬᠦᠭᠵᠢᠯ ᠢ ᠤᠭᠰᠠᠭᠠ ᠵᠦᠢ᠂ ᠵᠠᠩ ᠦᠢᠯᠡ᠂ ᠭᠠᠵᠠᠷ ᠵᠦᠢ᠂ ᠠᠪᠢᠶᠠ ᠵᠦᠢ᠂ ᠮᠠᠯ ᠠᠵᠦ | ᠠᠬᠤᠢ ᠵᠡᠷᠭᠡ ᠤᠯᠠᠨ ᠲᠠᠯᠠ ᠶᠢᠨ ᠰᠢᠨᠵᠢᠯᠡᠭᠡᠨ ᠠᠴᠠ ᠤᠶᠢᠷᠠᠳ ᠠᠴᠠ ᠭᠠᠷᠤᠯ ᠲᠠᠢ ᠭᠡᠳᠡᠭ ᠢ ᠨᠤᠳᠠᠯᠠᠵᠦ ᠪᠤᠯᠬᠤ | ᠪᠦᠭᠡᠳ ᠲᠡᠤᠬᠡ ᠶᠢᠨ ᠤᠯᠠᠨ ᠳᠠᠪᠳᠠᠯᠳᠠ ᠬᠤᠪᠢᠷᠠᠯᠳᠠ ᠠᠴᠠ ᠤᠯᠠᠨ ᠤᠭᠰᠠᠭᠠᠳᠠᠨ ᠶᠠᠰᠤᠳᠠᠨ ᠤ ᠪᠦᠷᠢᠯᠳᠦᠯ | ᠪᠤᠯᠤᠨ ᠬᠦᠭᠵᠢᠭᠰᠡᠨ ᠢ ᠴᠤ ᠦᠭᠡᠶᠢᠰᠭᠡᠵᠦ ᠪᠤᠯᠬᠤ ᠦᠭᠡᠢ ᠶᠤᠮ᠃ ᠦᠵᠦᠮᠦᠴᠢᠨ ᠠᠶᠢᠮᠠᠭ ᠤᠨ ᠪᠦᠷᠢᠯᠳᠦᠯ ᠢ | ᠤᠷᠴᠢᠨᠦᠶᠡ ᠶᠢᠨ ᠲᠡᠤᠬᠡᠨ ᠠᠴᠠ ᠠᠵᠢᠭᠯᠠᠭᠰᠠᠨ ᠴᠤ᠂ ᠤᠮᠠᠷᠠᠳᠦ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠡᠷᠬᠡᠭᠦᠳ᠂ | ᠯᠠᠤᠰᠴᠢᠨ᠂ ᠰᠠᠷᠬᠤᠳ᠂ ᠳᠠᠪᠠᠳ ᠵᠡᠷᠭᠡ ᠤᠳᠤᠭ ᠠᠶᠢᠮᠠᠭ ᠤᠳ ᠦᠵᠦᠮᠦᠴᠢᠨ ᠠᠶᠢᠮᠠᠭ ᠲᠤ ᠪᠠᠭᠳᠠᠭᠳᠠᠵᠠᠢ᠂ | ᠤᠳᠤ ᠶᠢᠨ ᠦᠵᠦᠮᠦᠴᠢᠨ ᠤ ᠪᠦᠭᠡᠨᠡᠷ ᠠᠶᠢᠮᠠᠭ᠂ ᠤᠷᠳᠤᠴᠢᠨ ᠤᠪᠤᠭᠳᠠᠨ᠂ ᠯᠠᠮᠠ ᠶᠢᠨ ᠠᠶᠢᠮᠠᠭ ᠵᠡᠷᠭᠡ ᠠᠶᠢᠮᠠᠭ | ᠪᠦᠯᠦᠭ ᠨᠢ ᠠᠭᠠᠵᠢᠮ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ ᠰᠡᠭᠦᠯᠡᠷ ᠢᠷᠡᠭᠰᠡᠨ ᠭᠤᠷᠪᠠᠨ ᠵᠠᠭᠤᠨ ᠵᠢᠯ ᠪᠤᠯᠵᠦ ᠪᠠᠶᠢᠭᠠ | ᠦᠵᠦᠮᠦᠴᠢᠨ ᠤ ᠬᠤᠵᠢᠭᠤ ᠪᠦᠷᠢᠯᠳᠦᠯ ᠭᠡᠰᠡᠭ ᠪᠤᠯᠤᠭᠰᠠᠨ ᠶᠤᠮ᠃ |