| 1᠂ ᠠᠯᠠᠭ ᠪᠢᠷᠠᠭᠤ | ᠪᠤᠷᠭᠠᠰᠤᠨ ᠬᠤᠷᠤᠭᠠ ᠲᠠᠢ᠃ ︵ᠨᠢᠳᠤ︶ | | 2᠂ ᠠᠷᠤ ᠲᠡᠭᠡᠭᠦᠷ ᠪᠠᠷᠢᠭᠰᠠᠨ | ᠠᠷᠪᠠᠨ ᠴᠠᠭᠠᠨ ᠭᠡᠷ᠃ ︵ᠬᠢᠮᠤᠰᠤ︶ | | 3᠂ ᠬᠦᠭᠡ ᠪᠤᠬᠠ | ᠬᠡᠪᠳᠡᠭᠡ ᠪᠠᠷ ᠢᠶᠠᠨ ᠲᠠᠷᠭᠤᠯᠠᠨᠠ᠃ ︵ᠦᠨᠡᠰᠦ︶ | | 4᠂ ᠠᠷᠪᠠᠨ ᠡᠮᠡᠬᠡᠨ | ᠠᠷᠤ ᠲᠡᠭᠡᠷᠡ ᠪᠠᠨ ᠮᠥᠰᠦ ᠲᠠᠢ᠃ ︵ᠬᠢᠮᠤᠰᠤ︶ | | 5᠂ ᠡᠷᠬᠢ ᠲᠤᠳᠤᠷᠠ | ᠡᠷᠢᠶᠠᠨ ᠪᠦᠮᠪᠦᠭᠡ᠃ ︵ᠨᠢᠳᠤ︶ | | 6᠂ ᠢᠨᠪᠢ ᠵᠢᠨᠪᠢ ᠬᠤᠶᠠᠷ | ᠢᠯᠬᠢ ᠰᠠᠷᠢᠰᠤ ᠬᠤᠶᠠᠷ | ᠤᠩᠭᠤᠢ ᠲᠤᠩᠭᠤᠢ ᠬᠤᠶᠠᠷ | ᠤᠭᠤᠨᠤ ᠰᠢᠷᠠᠭᠴᠢᠨ ᠬᠤᠶᠠᠷ᠃ ︵ᠤᠷᠤᠭᠤᠯ ᠴᠢᠬᠢ ᠨᠢᠳᠤ ᠬᠠᠮᠠᠷ︶ | | 7᠂ ᠤᠩᠭᠤᠨ ᠲᠦᠭᠦᠷᠢᠭ ᠠᠰᠠᠷ ᠲᠤ | ᠤᠪᠠᠳᠢᠰ ᠤᠨ ᠲᠤᠯᠤᠭᠠᠨ ᠡᠭᠦᠳᠡ ᠲᠠᠢ | ᠤᠷᠤᠩᠨᠠᠨ ᠰᠠᠭᠠᠳᠠᠳᠠᠭ ᠰᠠᠭᠢᠭᠤᠰᠤ ᠨᠢ | ᠤᠶᠤᠨ ᠲᠡᠭᠦᠰ ᠡᠷᠳᠡᠮ ᠲᠠᠢ᠃ ︵ᠲᠠᠷᠢᠬᠢ︶ | | 8᠂ ᠤᠷᠤᠪᠠᠴᠤ ᠴᠤᠭ | ᠭᠠᠷᠪᠠᠴᠤ ᠴᠤᠭ | ᠭᠡᠷᠡᠯᠳᠡᠢ ᠭᠠᠵᠠᠷ ᠬᠠᠮᠳᠤ ᠶᠠᠪᠤᠬᠤ ᠠᠴᠠ ᠪᠢᠰᠢ | ᠬᠠᠷᠠᠩᠭᠤᠢ ᠭᠠᠵᠠᠷ ᠲᠤ ᠬᠠᠨᠢ ᠪᠤᠯᠬᠤ ᠦᠭᠡᠢ᠃ ︵ᠰᠡᠭᠦᠳᠡᠷ︶ | | 9᠂ ᠤᠯᠠᠭᠠᠨ ᠬᠤᠩᠬᠤᠷ ᠤᠨ ᠲᠤᠳᠤᠷᠠ | ᠤᠶᠠᠭᠠ ᠲᠠᠢ ᠴᠠᠭᠠᠨ ᠠᠳᠤᠭᠤ᠃ ︵ᠰᠢᠳᠤ︶ | | 10᠂ ᠤᠷᠭᠤᠭᠠ ᠦᠭᠡᠢ ᠪᠤᠳᠠᠨ ᠲᠤᠳᠤᠷᠠ ᠠᠴᠠ | ᠲᠦᠷᠦᠭᠡ ᠦᠭᠡᠢ ᠲᠠᠤᠯᠠᠢ ᠪᠤᠰᠴᠤ | ᠨᠢᠳᠤ ᠦᠭᠡᠢ ᠬᠦᠮᠦᠨ ᠦᠵᠡᠭᠡᠳ | ᠬᠦᠯ ᠦᠭᠡᠢ ᠬᠦᠮᠦᠨ ᠬᠦᠭᠡᠭᠡᠵᠥ | ᠭᠠᠷ ᠦᠭᠡᠢ ᠬᠦᠮᠦᠨ ᠪᠠᠷᠢᠵᠤ | ᠠᠮᠠ ᠦᠭᠡᠢ ᠬᠦᠮᠦᠨ ᠢᠳᠡᠭᠰᠡᠨ ᠢ | ᠴᠢᠬᠢ ᠦᠭᠡᠢ ᠬᠦᠮᠦᠨ ᠰᠤᠨᠤᠰᠤᠨᠠ᠃ ︵ᠵᠡᠭᠦᠳᠤ︶ | | 11᠂ ᠦᠷᠭᠡᠨ ᠲᠠᠯᠠ ᠶᠢᠨ ᠲᠤᠮᠳᠠ | ᠦᠨᠦᠴᠢᠨ ᠲᠠᠤᠯᠠᠢ ᠬᠡᠪᠳᠡᠨᠡ᠃ ︵ᠬᠦᠢᠰᠦ︶ | | 12᠂ ᠦᠨᠳᠦᠷ ᠤᠷᠤᠢ ᠳᠤ ᠦ ᠦᠭᠡᠢ ᠪᠦᠮᠪᠦᠭᠡ | ᠡᠷᠬᠢᠨ ᠲᠤᠭᠤᠷᠢᠨ ᠲᠤᠯᠤᠭᠠᠨ ᠨᠦᠬᠡ | ᠦᠷᠦ ᠭᠤᠤᠯ ᠳᠤ ᠪᠠᠨ ᠵᠤᠰᠠᠯᠠᠩ ᠤᠨ ᠬᠠᠯᠴᠠᠭᠠᠢ᠃ ︵ᠬᠤᠵᠢᠭᠢᠷ︶ | | 13᠂ ᠦᠨᠳᠦᠷ ᠠᠭᠤᠯᠠ ᠶᠢᠨ ᠤᠷᠤᠢ ᠲᠡᠭᠡᠷᠡ | ᠲᠤᠭᠤᠭᠠᠨ ᠴᠢᠨᠡᠭᠡ ᠲᠠᠪᠤᠰᠤ | ᠬᠦᠮᠦᠨ ᠬᠦᠷᠦᠭᠡᠳ ᠠᠪᠬᠤ ᠦᠭᠡᠢ | ᠲᠡᠷᠭᠡ ᠬᠦᠷᠦᠭᠡᠳ ᠲᠡᠭᠡᠭᠡᠭᠦ ᠦᠭᠡᠢ | ᠲᠡᠮᠡᠭᠡ ᠬᠦᠷᠦᠭᠡᠳ ᠢᠳᠡᠬᠦ ᠦᠭᠡᠢ᠃ ︵ᠬᠤᠵᠢᠭᠢᠷ︶ | | 14᠂ ᠨᠠᠷᠢᠨ ᠭᠤᠤᠯ ᠤᠨ ᠪᠤᠷᠭᠠᠰᠤ | ᠨᠠᠮᠠᠭᠠ ᠪᠠᠷ ᠢᠶᠠᠨ ᠨᠡᠶᠢᠯᠡᠨᠡ᠃ ︵ᠰᠣᠷᠮᠤᠤᠰᠤ︶ | | 15᠂ ᠨᠡᠶᠢᠯᠡ ᠨᠡᠶᠢᠯᠡ ᠭᠡᠪᠡᠯ ᠨᠡᠶᠢᠯᠡᠬᠦ ᠦᠭᠡᠢ | ᠪᠤᠤ ᠨᠡᠶᠢᠯᠡ ᠭᠡᠪᠡᠯ ᠨᠡᠶᠢᠯᠡᠨᠡ᠃ ︵ᠤᠷᠤᠭᠤᠯ︶ | | 16᠂ ᠨᠢᠮᠭᠡᠨ ᠬᠠᠳᠠ ᠶᠢ | ᠨᠡᠭᠡᠭᠡᠵᠥ ᠪᠤᠯᠬᠤ ᠦᠭᠡᠢ᠃ ︵ᠬᠢᠮᠤᠰᠤ︶ | | 17᠂ ᠨᠤᠭᠤᠰᠤᠳᠤ ᠶᠢᠨ ᠪᠦᠳᠦᠭᠦᠨ ᠤ ᠠᠷᠤ ᠳᠤ | ᠨᠠᠭᠤᠷ ᠲᠤᠭᠳᠠᠮᠠᠷ ᠬᠤᠳᠤᠭᠤᠷ᠃ ︵ᠬᠦᠮᠦᠨ ᠤ ᠴᠢᠮᠠᠯᠠᠬᠠᠢ︶ | | 18᠂ ᠪᠢᠯᠢᠭᠳᠦ ᠠᠪᠤ ᠶᠢᠨ ᠪᠤᠳᠤᠩ | ᠪᠢᠳᠡᠬᠦᠤ ᠴᠢᠨᠠᠭᠰᠠᠨ ᠪᠤᠳᠠᠭᠠ | ᠰᠤᠨᠤᠷ ᠬᠤᠶᠠᠷ ᠲᠠᠷᠤᠯᠭᠠ | ᠰᠤᠪᠤᠳ ᠬᠤᠶᠠᠷ ᠰᠢᠬᠢᠳᠬᠡᠷ | ᠭᠤᠴᠢᠨ ᠬᠤᠶᠠᠷ ᠴᠡᠪᠴᠢᠶᠡᠷ | ᠭᠤᠯᠭᠤᠭᠤᠷ ᠤᠯᠠᠭᠠᠨ ᠬᠡᠤᠬᠡᠳ᠃ ︵ᠲᠠᠷᠢᠬᠢ ᠴᠢᠬᠢ ᠨᠢᠳᠤ ᠰᠢᠳᠤ ᠬᠡᠯᠡ︶ | | 19᠂ ᠪᠤᠰᠤᠭᠠ ᠬᠠᠳᠠᠨ ᠤ ᠡᠩᠭᠡᠷ ᠲᠡᠭᠡᠷᠡ | ᠪᠤᠯᠤᠷ ᠲᠤᠩᠭᠠᠯᠠᠭ ᠬᠤᠶᠠᠷ ᠨᠠᠭᠤᠷ | ᠪᠤᠰᠤᠳ ᠨᠠᠭᠤᠷ ᠲᠠᠢ ᠲᠠᠭᠠᠷᠠᠬᠤ ᠦᠭᠡᠢ ᠨᠠᠭᠤᠷ | ᠪᠤᠷᠵᠠᠩ ᠬᠢᠨᠠᠭ ᠤᠷᠤᠭᠤᠯᠬᠤ ᠦᠭᠡᠢ ᠨᠠᠭᠤᠷ᠃ ︵ᠨᠢᠳᠤ︶ | | 20᠂ ᠪᠤᠷᠬᠠᠨ ᠤ ᠬᠡᠤᠬᠡᠳ | ᠪᠤᠷᠭᠠᠰᠤ ᠪᠠᠷ ᠨᠠᠭᠠᠳᠤᠨᠠ᠃ ︵ᠰᠣᠷᠮᠤᠤᠰᠤ︶ |