| — ᠬᠡᠦᠬᠡᠳ ᠢᠶᠠᠨ ᠵᠦᠪ ᠰᠤᠷᠭᠠᠬᠤ ᠶᠢᠨ ᠲᠤᠰᠠᠳᠠ ᠤᠩᠰᠢᠭᠠᠷᠠᠢ | — ᠳ᠋᠊ · ᠳᠠᠪᠰᠢᠯᠲᠤ ᠨᠠᠶᠢᠷᠠᠭᠤᠯᠪᠠ | | ᠭᠡᠨᠡᠳᠲᠡ ᠴᠠᠰᠬᠢᠨ ᠤᠬᠢᠯᠠᠭᠰᠠᠨ ᠭᠤᠷᠪᠠᠨ ᠨᠠᠰᠤ ᠲᠠᠢ ᠬᠦᠦ ᠳᠡᠭᠡᠷᠡ ᠪᠠᠨ ᠤᠴᠢᠭᠰᠠᠨ ᠡᠬᠡ ︽ᠮᠢᠨᠤ ᠬᠦᠦ | ᠶᠠᠭᠠᠬᠢᠭᠰᠠᠨ ᠪᠤᠢ︖︾ ᠭᠡᠵᠤ ᠠᠰᠠᠭᠤᠬᠤ ᠳᠤ ᠬᠦᠦ ᠴᠢᠯᠠᠭᠤ ᠶᠢ ᠵᠢᠭᠠᠭᠰᠠᠭᠠᠷ ᠳᠠᠭᠤ ᠲᠠᠯᠪᠢᠨᠠ᠃ | ᠡᠵᠢ ᠨᠢ ᠬᠦᠦ ᠶᠢᠨ ᠢᠶᠠᠨ ᠭᠠᠷ ᠤᠨ ᠠᠯᠠᠭᠠ ᠶᠢ ᠢᠯᠪᠢᠭᠰᠡᠭᠡᠷ ︽ᠤ︕ ᠬᠦᠦ ᠮᠢᠨᠢ ᠴᠢᠯᠠᠭᠤᠨ ᠳᠡᠭᠡᠷᠡ | ᠯᠠᠪᠳᠠᠭᠤᠨ ᠵᠤᠭᠰᠤᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠤᠶᠢᠴᠢᠭᠰᠠᠨ ᠶᠤᠮ ᠤᠤ︖︾ ᠭᠡᠪᠡᠯ ᠬᠦᠦ ᠲᠤᠯᠤᠭᠠᠢ ᠪᠠᠨ ᠲᠤᠬᠢᠪᠠ | ᠃ | ︽ᠵᠠ᠂ ᠮᠢᠨᠤ ᠬᠦᠦ ᠪᠤᠤ ᠤᠬᠢᠯᠠ ᠡ︕ ᠬᠤᠶᠠᠭᠤᠯᠠ ᠪᠠᠨ ᠤᠳᠤ ᠡᠨᠡ ᠴᠢᠯᠠᠭᠤ ᠶᠢ ᠢᠯᠪᠢᠶᠡ᠂ ᠪᠤᠯᠤᠨᠠ | ᠤᠤ︖ ᠴᠢᠮᠠ ᠳᠤ ᠬᠢᠰᠬᠢᠭᠳᠡᠭᠡᠳ ᠡᠨᠡ ᠴᠢᠯᠠᠭᠤ ᠪᠠᠰᠠ ᠡᠪᠡᠳᠴᠦ ᠪᠠᠶᠢᠨᠠ ᠭᠡᠨᠡ ᠰᠢᠦ︕︾ ᠭᠡᠭᠰᠡᠭᠡᠷ ᠡᠵᠢ | ᠨᠢ ᠴᠢᠯᠠᠭᠤ ᠶᠢ ᠬᠦᠩᠭᠡᠬᠡᠨ ᠢᠯᠪᠢᠵᠤ ᠡᠬᠢᠯᠡᠪᠡ᠃ | ᠡᠭᠦᠨ ᠢ ᠰᠤᠨᠤᠰᠤᠮᠠᠭᠴᠠ ︽ᠴᠢᠯᠠᠭᠤ ᠪᠠᠰᠠ ᠡᠪᠡᠳᠳᠡᠭ ᠶᠤᠮ ᠪᠠᠶᠢᠨᠠ︾ ᠭᠡᠵᠤ ᠰᠠᠨᠠᠭᠰᠠᠨ ᠪᠤᠯᠤᠯᠲᠠᠢ | ᠬᠦᠦ ᠤᠬᠢᠯᠠᠬᠤ ᠪᠠᠨ ᠵᠤᠭᠰᠤᠭᠠᠳ᠂ ᠤᠴᠤᠶᠢᠵᠤ ᠰᠠᠭᠤᠨ ᠡᠵᠢ ᠲᠠᠢ ᠪᠠᠨ ᠬᠠᠮᠲᠤ ᠬᠦᠭᠡᠷᠦᠬᠦᠨ ᠭᠦᠯᠦᠭᠡ ᠪᠠᠨ | ᠦᠬᠦᠭᠡᠷᠳᠡᠵᠤ ᠪᠠᠶᠢᠭᠠ ᠰᠢᠭ᠋ ᠴᠢᠯᠠᠭᠤ ᠶᠢ ᠢᠯᠪᠢᠵᠤ ᠡᠩᠬᠦᠷᠡᠶᠢᠯᠡᠨᠡ᠃ | ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠡᠨᠡ ᠬᠦᠦ ᠶᠠᠭᠤ ᠪᠦᠬᠦᠨ ᠳᠤ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠢᠶᠠᠷ ᠬᠠᠨᠳᠤᠳᠠᠭ᠂ | ᠠᠭᠤᠳᠠᠮᠴᠢ ᠪᠠᠭᠲᠠᠭᠠᠮᠵᠢᠳᠠᠢ᠂ ᠬᠠᠶᠢᠷᠠ ᠶᠢ ᠳᠡᠭᠡᠳᠦᠯᠡᠳᠡᠭ ᠬᠦᠮᠦᠨ ᠪᠤᠯᠵᠤ ᠲᠦᠯᠦᠪᠰᠢᠭᠰᠡᠨ ᠪᠠᠶᠢᠪᠠ᠃ | ᠲᠡᠭᠡᠬᠦ ᠳᠤ ᠮᠠᠨ ᠤ ᠶᠡᠬᠡᠩᠬᠢ ᠡᠴᠢᠭᠡ ᠡᠬᠡᠴᠦᠦᠯ ᠶᠠᠭ ᠡᠭᠦᠨ ᠤ ᠡᠰᠡᠷᠭᠦ ᠪᠠᠷ ︽ᠮᠢᠨᠤ ᠬᠦᠦ ᠶᠢ ᠬᠡᠨ | ᠤᠶᠢᠴᠢᠭᠤᠯᠪᠠ︖ ᠠ᠂ ᠡᠨᠡ ᠴᠢᠯᠠᠭᠤ ᠤᠤ︖ ᠡᠵᠢ ᠨᠢ ᠡᠨᠡ ᠴᠢᠯᠠᠭᠤ ᠶᠢ ᠴᠤᠬᠢᠶᠠ᠂ ᠴᠤᠬᠢᠶᠠ︕ ᠵᠠ ᠤᠳᠤ | ᠪᠤᠤ ᠤᠬᠢᠯᠠ ᠡ︕︾ ᠭᠡᠳ ᠨᠦᠬᠦᠭᠡ ᠴᠢᠯᠠᠭᠤ ᠶᠢ ᠬᠦᠴᠦᠲᠡᠢ ᠳᠡᠪᠢᠰᠴᠦ ᠦᠵᠡᠭᠦᠯᠬᠦ ᠶᠤᠮ ᠤᠤ ᠡᠰᠡᠭᠦᠯᠡ | ᠴᠢᠯᠠᠭᠤ ᠶᠢ ᠠᠪᠤᠭᠠᠳ ᠬᠤᠯᠠ ᠰᠢᠳᠡᠵᠤ ᠶᠠᠪᠤᠭᠤᠯᠳᠠᠭ ᠨᠢ ᠵᠦᠩᠳᠡᠭᠡᠨ᠃ ᠡᠭᠦᠨ ᠠᠴᠠ ᠪᠤᠯᠵᠤ ᠨᠠᠭᠠᠲᠤ ᠬᠡᠦᠬᠡᠳ | ᠨᠢ ᠦᠪᠡᠷ ᠢ ᠪᠠᠨ ᠬᠤᠤᠷ ᠠᠮᠰᠠᠭᠴᠢ ᠭᠡᠮᠡᠨ ᠲᠠᠰᠤ ᠢᠲᠡᠭᠡᠭᠡᠳ ᠪᠠᠭᠠ ᠯᠠ ᠤᠴᠢᠷ ᠪᠤᠯᠤᠮᠠᠭᠴᠠ ᠲᠤᠮᠤ ᠬᠦᠮᠤᠰ | ᠠᠴᠠ ᠠᠪᠤᠷᠠᠯ ᠡᠷᠢᠳᠡᠭ ᠮᠦᠷᠲᠡᠭᠡᠨ ᠬᠠᠮᠤᠭ ᠬᠠᠷᠢᠭᠤᠴᠠᠯᠭᠠ ᠶᠢ ᠪᠤᠰᠤᠳ ᠲᠤ ᠲᠦᠯᠬᠢᠳᠡᠭ ᠨᠢᠭᠡ ᠨᠢ ᠪᠤᠯᠵᠤ | ᠬᠦᠮᠦᠵᠢᠭᠳᠡᠨᠡ᠃ | ᠬᠦᠮᠦᠵᠢᠯ ᠤᠨ ᠡᠶᠢᠮᠤ ᠠᠪᠤᠰᠢ ᠦᠭᠡᠢ ᠭᠤᠨᠢᠭᠲᠤ ᠦᠵᠡᠭᠳᠡᠯ ᠬᠡᠴᠢᠨᠡᠭᠡᠨ ᠦᠷᠡ ᠬᠤᠶᠢᠴᠢᠰ ᠢ ᠦᠭᠡᠶᠢᠬᠢᠵᠤ | ᠪᠠᠶᠢᠬᠤ ᠶᠢ ᠪᠤᠤ ᠮᠡᠳᠡ︕ |