| ᠰᠢᠨᠵᠢ ᠲᠡᠮᠳᠡᠭ᠄ ᠲᠣᠰ ᠡᠪᠡᠳᠴᠢᠨ ᠨᠠᠰᠤ ᠠᠬᠢᠬᠤ ᠶᠢ ᠳᠠᠭᠠᠯᠳᠣᠨ ᠠᠭᠠᠵᠢᠮ ᠢᠶᠠᠷ ᠡᠪᠡᠳᠴᠢᠯᠡᠬᠦ ᠣᠨᠴᠠᠯᠢᠭ | ᠲᠠᠢ ᠪᠦᠭᠡᠳ ᠠᠩᠬᠠᠨ ᠤ ᠬᠤᠭᠤᠴᠠᠭᠠᠨ ᠳᠤ ᠮᠠᠷᠲᠠᠮᠲᠠᠭᠠᠢ ᠪᠤᠯᠬᠤ ᠮᠠᠰᠢ ᠵᠦᠷᠢᠭᠦᠦ ᠪᠤᠯᠵᠤ ᠪᠡᠶᠡ ᠪᠠᠨ ᠵᠦᠪᠳᠡᠭᠡᠬᠦ᠂ | ᠪᠠᠴᠢᠮᠳᠠᠬᠤ᠂ ᠰᠠᠨᠳᠤᠷᠬᠤ᠂ ᠣᠴᠠᠭᠠᠷᠯᠠᠬᠤ ᠴᠢᠨᠠᠭᠰᠢᠯᠠᠪᠠᠯ ᠤᠢ ᠪᠢᠯᠢᠭ ᠬᠠᠭᠠᠭᠳᠠᠬᠤ᠂ ᠤᠬᠠᠭᠠᠨ ᠮᠡᠳᠡᠷᠡᠯ | ᠰᠣᠷᠭᠤᠭ ᠦᠭᠡᠢ ᠪᠤᠯᠬᠤ᠂ ᠲᠤᠭᠠ ᠬᠡᠮᠵᠢᠶᠡ᠂ ᠴᠠᠭ ᠬᠤᠭᠤᠴᠠᠭᠠ ᠶᠢ ᠠᠳᠡᠭᠦᠷᠡᠬᠦ ᠡᠳᠦᠷ ᠰᠦᠨᠢ ᠶᠢ ᠲᠣᠳᠣᠷᠬᠠᠢ | ᠡᠵᠡᠮᠳᠡᠬᠦ ᠦᠭᠡᠢ ᠬᠦᠮᠦᠨ ᠲᠠᠨᠢᠬᠤ ᠴᠢᠳᠠᠪᠤᠷᠢ ᠮᠠᠰᠢ ᠳᠣᠷᠣᠶᠢᠲᠠᠬᠤ ᠬᠦᠨᠳᠦᠷᠡᠪᠡᠯ ᠲᠦᠷᠦᠯ ᠰᠠᠳᠣᠨ ᠦᠷᠡ | ᠬᠡᠤᠬᠡᠳ ᠢᠶᠠᠨ ᠴᠦ ᠦᠯᠦ ᠲᠠᠨᠢᠵᠤ᠂ ᠠᠰᠠᠭᠤᠵᠣ ᠯᠠᠪᠯᠠᠬᠤ᠂ ᠵᠦᠭ ᠴᠢᠭ ᠢᠶᠠᠨ ᠴᠦ ᠠᠯᠳᠠᠨ ᠵᠠᠷᠢᠮ ᠳᠤ ᠪᠠᠨ | ᠭᠡᠷ ᠢᠶᠠᠨ ᠴᠦ ᠬᠠᠶᠢᠵᠤ ᠣᠯᠬᠤ ᠪᠣᠯᠳᠠᠭ ᠶᠤᠮ᠃ ᠢᠳᠡᠭᠡᠨ ᠣᠮᠳᠠᠭᠠᠨ᠂ ᠣᠨᠲᠠᠵᠣ ᠠᠮᠠᠷᠠᠬᠤ ᠵᠡᠷᠭᠡ ᠪᠠᠨ ᠴᠦ | ᠵᠤᠬᠢᠴᠠᠭᠤᠯᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠵᠤ ᠠᠮᠢᠳᠣᠷᠠᠯ ᠤᠨ ᠴᠢᠳᠠᠪᠣᠷᠢ ᠨᠢ ᠮᠠᠰᠢ ᠶᠡᠭᠡ ᠠᠯᠳᠠᠭᠳᠠᠵᠣ ᠬᠡᠴᠡᠭᠦᠳᠡᠪᠡᠯ | ᠠᠳᠡᠭᠦᠦ ᠪᠣᠷᠣᠭᠤ᠂ ᠡᠷᠦᠢ ᠬᠤᠷᠤᠢ ᠦᠭᠡᠢ ᠶᠠᠷᠢᠬᠤ᠂ ᠠᠰᠠᠭᠤᠭᠰᠠᠨ ᠵᠦᠢᠯ ᠢ ᠤᠨᠤᠪᠴᠢᠲᠠᠢ ᠬᠠᠷᠢᠭᠤᠯᠵᠤ | ᠴᠢᠳᠠᠬᠤ ᠦᠭᠡᠢ ᠡᠰᠡᠭᠦᠯᠡ ᠦᠭᠡ ᠶᠠᠷᠢᠬᠤ ᠦᠭᠡᠢ ᠳᠣᠭᠤᠢ ᠰᠠᠭᠤᠬᠤ᠃ ᠣᠶᠣᠨ ᠣᠬᠠᠭᠠᠨ ᠤ ᠮᠡᠳᠡᠷᠡᠯ ᠪᠠ ᠪᠡᠶᠡ | ᠮᠠᠬᠠᠪᠤᠳ ᠤᠨ ᠲᠠᠮᠢᠷ ᠲᠦᠢᠯ ᠢᠶᠠᠷ ᠪᠠᠭᠤᠷᠠᠵᠤ ᠡᠷᠡᠭᠦᠦ ᠲᠡᠨᠡᠭᠰᠢᠷᠡᠯ ᠪᠤᠯᠤᠭᠠᠳ ᠡᠷᠡᠭᠦᠯ ᠮᠡᠨᠳᠦ ᠶᠢ ᠬᠦᠨᠳᠦ | ᠨᠤᠴᠢᠲᠠᠢ ᠨᠦᠯᠦᠭᠡᠯᠡᠳᠡᠭ᠃ | | ᠪᠠᠶᠢᠴᠠᠭᠠᠯᠲᠠ᠄ ᠦᠵᠡᠬᠦ ᠬᠦᠷᠦᠯᠴᠡᠬᠦ ᠠᠰᠠᠭᠤᠬᠤ ᠪᠠᠷ ᠭᠤᠤᠯᠳᠠᠵᠤ ᠰᠢᠨᠵᠢᠯᠡᠬᠦ ᠶᠢᠨ ᠰᠠᠭᠤᠷᠢᠨ ᠳᠡᠭᠡᠷᠡ | ᠪᠦᠬᠦ ᠪᠡᠶᠡ ᠶᠢ ᠠᠵᠢᠭᠯᠠᠨ ᠪᠠᠶᠢᠴᠠᠭᠠᠬᠤ ᠴᠢᠬᠤᠯᠠᠲᠠᠢ ᠶᠤᠮ᠃ | | ᠰᠢᠨᠵᠢᠯᠡᠭᠡ᠄ ᠰᠣᠳᠠᠯ ᠨᠢ ᠠᠯᠭᠤᠷ᠂ ᠰᠣᠯᠠᠪᠲᠣᠷ᠃ ᠬᠡᠯᠡ ᠨᠢ ᠴᠠᠶᠢᠪᠤᠷ ᠨᠢᠮᠭᠡᠨ ᠦᠩᠭᠦᠷ ᠲᠠᠢ ᠰᠢᠭᠡᠰᠦ ᠨᠢ | ᠰᠢᠷᠠᠪᠲᠤᠷ ᠬᠦᠭᠡᠰᠦ ᠲᠠᠢ ᠰᠢᠭ ᠬᠠᠷᠠᠭᠳᠠᠨᠠ᠃ ᠴᠢᠬᠤᠯᠠᠲᠠᠢ ᠦᠶᠡᠰ ᠣᠳᠣᠬᠢᠨ ᠤ ᠰᠢᠨᠵᠢᠯᠡᠭᠡ ᠲᠠᠢ | ᠤᠶᠠᠯᠳᠤᠭᠤᠯᠵᠤ ᠪᠣᠯᠣᠨᠠ᠃ | | ᠣᠨᠤᠰᠢᠯᠠᠯ᠄ ᠦᠲᠡᠯᠦᠭᠰᠡᠳ ᠤᠨ ᠤᠶᠤᠨ ᠤ ᠪᠤᠳᠣᠩᠭᠤᠢᠷᠠᠯ ᠡᠪᠡᠳᠴᠢᠨ ᠤ ᠣᠨᠣᠰᠢᠯᠠᠬᠤ ᠦᠨᠳᠦᠰᠦᠯᠡᠯ ᠨᠢ | ᠳᠡᠭᠡᠷᠡᠬᠢ ᠰᠢᠨᠵᠢ ᠲᠡᠮᠳᠡᠭ ᠢ ᠨᠢᠭᠡᠲᠦᠮᠡᠯ ᠲᠠᠢ ᠬᠤᠷᠢᠶᠠᠩᠭᠤᠢᠯᠠᠨ ᠣᠳᠣᠬᠢ ᠡᠮᠨᠡᠯᠭᠡ ᠶᠢᠨ ᠣᠬᠠᠭᠠᠨ ᠤ ᠰᠢᠨᠵᠢᠯᠡᠭᠡ ᠶᠢ | ᠤᠶᠠᠯᠳᠤᠭᠤᠯᠵᠤ ᠣᠨᠣᠰᠢᠯᠠᠬᠤ ᠳᠤ ᠲᠡᠢᠮᠦ ᠪᠡᠷᠬᠡᠲᠡᠢ ᠪᠢᠰᠢ᠃ | ᠡᠮᠴᠢᠯᠡᠭᠡ᠄ | ᠠᠨᠠᠭᠠᠬᠤ ᠵᠠᠷᠴᠢᠮ᠄ ᠪᠠᠳᠭᠠᠨ ᠬᠡᠢ ᠶᠢ ᠪᠠᠷᠢᠵᠤ ᠲᠠᠷᠢᠬᠢ ᠮᠡᠳᠡᠷᠡᠯ ︿ᠴᠠᠭᠠᠨ ᠰᠣᠳᠠᠯ﹀ ᠤᠨ ᠦᠢᠯᠡ | ᠠᠵᠢᠯᠯᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠤᠨ ᠰᠡᠷᠭᠦᠭᠡᠬᠦ᠂ ᠪᠡᠶᠡ ᠮᠠᠬᠠᠪᠤᠳ ᠢ ᠲᠡᠭᠰᠢᠳᠭᠡᠨ ᠴᠢᠬᠢᠷᠠᠭᠵᠢᠭᠤᠯᠬᠤ ᠤᠷᠢᠳᠠᠯ | ᠳᠣᠣᠷᠠ ᠲᠠᠪᠤᠨ ᠴᠣᠯᠠ ᠶᠢᠨ ᠦᠢᠯᠡᠳᠦᠯ ᠢ ᠵᠣᠬᠢᠴᠠᠭᠤᠯᠤᠨ ᠣᠢ ᠪᠢᠯᠢᠭ ᠤᠨ ᠰᠦᠪᠡ ᠶᠢ ᠨᠡᠪᠲᠡᠷᠡᠭᠦᠯᠦᠨ ᠲᠤᠩᠭᠠᠯᠠᠭ | ᠴᠦᠪ ᠢ ᠢᠯᠭᠠᠵᠤ ᠰᠢᠩᠭᠡᠭᠡᠯᠲᠡ ᠶᠢ ᠰᠡᠯᠪᠢᠵᠦ ᠪᠡᠶᠡ ᠶᠢᠨ ᠲᠠᠮᠢᠷ ᠲᠡᠩᠬᠡᠭᠡ ᠶᠢ ᠰᠠᠢᠵᠢᠷᠠᠭᠤᠯᠵᠤ ᠰᠢᠮᠡᠵᠢᠭᠦᠯᠬᠦ ᠶᠢ | ᠪᠠᠷᠢᠮᠲᠠᠯᠠᠨ ᠵᠠᠰᠠᠨᠠ᠃ | ᠡᠮ ᠨᠠᠢᠷᠠᠯᠭᠠ᠄ ᠶᠡᠷᠦᠩᠬᠡᠢ ᠳᠤ ᠨᠢ ᠰᠢᠩᠭᠡᠴᠢ ᠮᠠᠨᠳᠣᠯ᠂ ᠡᠷᠳᠡᠨᠢ ᠦᠷᠢᠯ᠂ ᠠᠮᠢᠨ ᠡᠷᠳᠡᠨᠢ ᠶᠢ ᠠᠭᠠᠷᠣ | -35 ᠢᠶᠠᠷ ᠬᠦᠯᠭᠡᠯᠡᠵᠦ ᠦᠷᠯᠦᠭᠡ᠂ ᠦᠳᠡ᠂ ᠣᠷᠣᠢ ᠲᠤᠰᠪᠤᠷᠢ ᠲᠤᠬᠢᠲᠠᠢ ᠬᠡᠷᠡᠭᠯᠡᠨᠡ᠃ ᠬᠤᠪᠢᠰᠤᠩᠭᠤᠢ | ᠰᠢᠨᠵᠢᠯᠡᠭᠡ᠄ ᠲᠤᠬᠠᠢ ᠶᠢᠨ ᠡᠪᠡᠳᠴᠢᠨ ᠤ ᠪᠤᠲᠠᠲᠠᠢ ᠰᠢᠨᠵᠢ ᠢᠯᠡᠷᠡᠯ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠬᠤᠪᠢᠰᠤᠩᠭᠤᠢ ᠪᠠᠷ | ᠵᠣᠬᠢᠴᠠᠭᠤᠯᠵᠤ ᠵᠠᠰᠠᠬᠤ ᠶᠢ ᠡᠷᠬᠢᠮᠯᠡᠨᠡ᠃ ᠡᠭᠦᠨ ᠳᠤ ᠬᠡᠢ ᠶᠢᠨ ᠰᠢᠨᠵᠢ ᠳᠡᠶᠢᠯᠦᠩᠭᠦᠢ ᠪᠤᠯ ᠵᠢᠷᠦᠬᠡᠨ ᠤ ᠠᠭᠠᠷᠣ-8᠂ | ᠦᠮᠡᠬᠡᠢ ᠳᠠᠪᠠᠷᠬᠠᠢ-25᠂ ᠠᠮᠢᠨ ᠪᠠᠷᠢᠭᠴᠢ-11᠂ ᠪᠤᠬᠠ ᠭᠦᠷᠦᠭᠡᠰᠦᠨ ᠤ ᠵᠢᠷᠦᠬᠡ- 6᠂ ᠠᠮᠢᠨ ᠡᠷᠳᠡᠨᠢ ᠵᠡᠷᠭᠡ | ᠨᠠᠶᠢᠷᠠᠯᠭᠠ ᠶᠢ ᠲᠣᠰᠬᠠᠢ ᠪᠠᠶᠢᠳᠠᠯ ᠳᠤ ᠨᠢ ᠲᠣᠬᠢᠷᠠᠭᠤᠯᠤᠨ ᠦᠭᠭᠦᠨᠡ᠃ ᠰᠢᠷᠠ ᠶᠢᠨ ᠰᠢᠨᠵᠢ ᠳᠡᠶᠢᠯᠦᠩᠭᠦᠢ ᠪᠤᠯ | ᠡᠷᠬᠢᠮ-8᠂ ᠶᠡᠭᠡ ᠬᠠᠷᠠ-12᠂ ᠭᠤᠷᠪᠠᠨ ᠦᠷᠡ ᠶᠢᠨ ᠲᠠᠩ᠂ ᠽᠠᠨᠳᠠᠨ-8 ᠵᠡᠷᠭᠡ ᠨᠠᠶᠢᠷᠠᠯᠭᠠ ᠠᠴᠠ ᠰᠣᠩᠭᠤᠨ | ᠬᠡᠷᠡᠭᠯᠡᠵᠦ ᠪᠤᠯᠤᠨᠠ᠃ ᠪᠠᠳᠭᠠᠨ ᠤ ᠰᠢᠨᠵᠢ ᠳᠡᠶᠢᠯᠦᠩᠭᠦᠢ ᠪᠤᠯ ᠵᠣᠩᠰᠢ-6᠂ ᠮᠣᠯᠣᠷ ᠳᠠᠪᠤᠰᠤ-4 ᠤᠨ ᠲᠠᠩ᠂ | ᠠᠨᠠᠷ-5᠂ ᠴᠠᠭᠳᠣᠷᠷᠢᠯᠪᠤ᠂ ᠭᠠᠭᠤᠯᠠ-9 ᠵᠡᠷᠭᠡ ᠨᠠᠶᠢᠷᠠᠯᠭᠠ ᠶᠢ ᠲᠤᠬᠠᠢ ᠶᠢᠨ ᠪᠠᠶᠢᠳᠠᠯ ᠳᠤ ᠨᠢ ᠵᠤᠬᠢᠴᠠᠭᠤᠯᠤᠨ | ᠤᠤᠭᠤᠯᠭᠠᠨᠠ᠃ ᠲᠤᠩᠭᠠᠯᠠᠭ ᠴᠦᠪ ᠢ ᠢᠯᠭᠠᠬᠤ ᠳᠤ ᠲᠤᠩᠭᠠᠯᠠᠭ -5 ᠢ ᠦᠭᠴᠦ ᠨᠦᠷ ᠬᠤᠯᠵᠢᠬᠤ ᠳᠤ ᠽᠠᠳᠢ | -5᠂ ᠰᠦᠭᠮᠧᠯ-3 ᠤᠨ ᠲᠠᠩ ᠢ ᠬᠠᠪᠰᠣᠷᠭᠠᠨ ᠤᠤᠭᠤᠯᠭᠠᠵᠤ ᠪᠤᠯᠳᠠᠭ᠃ ᠪᠠᠰᠠ ᠴᠢᠬᠤᠯᠠᠲᠠᠢ ᠦᠶᠡ ᠳᠤ | ᠡᠸᠦ᠋ᠷᠦᠫᠡ ᠡᠮᠨᠡᠯᠭᠡ ᠶᠢᠨ ᠶᠠᠨ ᠰᠦᠸᠠᠨ ᠳ᠋ᠦᠸᠧ ᠨᠠᠢ ᠫᠠᠢ ᠴᠢ ᠬᠠᠪᠲᠠᠭᠠᠢ ︽盐酸多奈哌齐分散 | 片︾ ᠪᠣᠶᠣ ᠭᠦ᠋ ᠸᠧᠢ ᠰᠦ ᠬᠠᠪᠲᠠᠭᠠᠢ ︽谷维素︾ ᠶᠢ ᠵᠤᠬᠢᠰᠲᠠᠢ ᠣᠣᠭᠤᠯᠭᠠᠵᠣ ᠪᠤᠯᠤᠨᠠ᠃ | ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠯᠲᠡ ᠪᠠ ᠰᠣᠪᠢᠯᠠᠯᠲᠠ᠄ ᠲᠤᠰ ᠡᠪᠡᠳᠴᠢᠲᠡᠨ ᠲᠠᠢ ᠦᠭᠡ ᠶᠠᠷᠢᠶᠠ ᠢᠯᠡᠭᠦᠦ | ᠨᠡᠪᠲᠡᠷᠡᠵᠦ ᠭᠠᠳᠠᠨᠠ ᠶᠠᠪᠤᠵᠤ ᠲᠤᠭᠤᠷᠢᠬᠤ ᠳᠤ ᠢᠯᠡᠭᠦᠦ ᠲᠤᠰᠠᠯᠠᠨ ᠬᠠᠷᠠᠭᠠᠯᠵᠠᠵᠤ ᠶᠡᠷᠦ ᠳᠡᠭᠡᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ | ᠠᠵᠢᠭᠯᠠᠨ ᠰᠤᠪᠢᠯᠠᠬᠤ ᠨᠢ ᠮᠠᠰᠢ ᠴᠢᠬᠤᠯᠠᠲᠠᠢ᠃ ᠢᠳᠡᠭᠡᠨ ᠣᠮᠳᠠᠭᠠᠨ ᠤ ᠲᠠᠯᠠ ᠪᠠᠷ ᠰᠢᠮᠡ ᠲᠡᠵᠢᠭᠡᠯ ᠲᠠᠢ ᠠᠮᠤ | ᠪᠤᠳᠠᠭᠠ᠂ ᠵᠢᠮᠢᠰ ᠨᠤᠭᠤᠭᠠᠨ ᠤ ᠵᠦᠢᠯ ᠢ ᠢᠯᠡᠭᠦᠦ ᠢᠳᠡᠨ᠂ ᠰᠦ᠂ ᠦᠨᠳᠡᠭᠡ᠂ ᠠᠮᠢᠲᠠᠨ ᠤ ᠲᠠᠷᠢᠬᠢ ᠶᠠᠰᠣᠨ ᠤ | ᠱᠦᠯᠦ ᠤᠤᠭᠤᠯᠭᠠᠵᠤ᠂ ᠰᠠᠮᠤᠷ ᠵᠢᠮᠢᠰ ᠤᠨ ᠵᠦᠢᠯ ︽ᠬᠤᠰᠢᠭᠠ᠂ ᠨᠠᠷᠠᠨ ᠬᠤᠸᠠᠷ ᠤᠨ ᠦᠷᠡ᠂ ᠪᠤᠷᠴᠠᠭ ᠤᠨ | ᠵᠦᠢᠯ︾ ᠢ ᠣᠯᠠᠨ ᠢᠳᠡᠪᠡᠯ ᠲᠤᠰᠠᠲᠠᠢ ᠪᠢᠯᠡ᠃ ᠦᠢᠯᠡ ᠶᠠᠪᠤᠳᠠᠯ ᠤᠨ ᠲᠠᠯᠠ ᠪᠠᠷ ᠠᠵᠢᠯ᠂ ᠰᠣᠷᠣᠯᠭᠠ᠂ ᠠᠮᠠᠷᠠᠵᠤ | ᠣᠨᠲᠠᠬᠤ᠂ ᠪᠡᠶᠡ ᠶᠢᠨ ᠪᠤᠯᠪᠠᠰᠤᠷᠠᠯ ᠵᠡᠷᠭᠡ ᠶᠢ ᠲᠤᠬᠢᠷᠠᠮᠵᠢᠲᠠᠢ ᠵᠣᠬᠢᠴᠠᠭᠤᠯᠬᠤ ᠬᠡᠷᠡᠭᠲᠡᠢ᠃ ᠭᠡᠷ ᠤᠨ ᠬᠦᠮᠦᠰ ᠲᠠᠢ | ᠪᠠᠨ ᠦᠷᠭᠦᠯᠵᠢ ᠵᠣᠭᠤᠭᠳᠠᠬᠤ᠂ ᠤᠷᠠᠨ ᠪᠢᠴᠢᠯᠭᠡ ᠨᠤᠮ ᠰᠤᠳᠤᠷ ᠤᠩᠰᠢᠬᠤ᠂ ᠭᠠᠳᠠᠷ ᠤᠷᠴᠢᠨ ᠢᠶᠠᠷ ᠲᠣᠭᠤᠷᠢᠨ | ᠠᠯᠬᠤᠵᠤ ᠪᠤᠯᠪᠠᠰᠣᠷᠠᠬᠤ᠂ ᠲᠤᠭᠠ ᠲᠣᠭᠠᠯᠠᠬᠤ᠂ ᠰᠢᠲᠠᠷᠠ ᠲᠠᠯᠪᠢᠬᠤ᠂ ᠳᠠᠭᠤᠣ ᠪᠦᠵᠢᠭ᠂ ᠨᠠᠭᠠᠳᠤᠮ ᠲᠤᠭᠯᠠᠮ ᠳᠤ | ᠦᠷᠭᠦᠯᠵᠢ ᠣᠷᠣᠯᠴᠠᠬᠤ ᠨᠢ ᠲᠣᠰ ᠡᠪᠡᠳᠴᠢᠨ ᠢ ᠣᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠳᠤ ᠮᠠᠰᠢ ᠠᠰᠢᠭᠲᠠᠢ ᠪᠢᠯᠡ᠃ |