| 1. ᠴᠠᠭ ᠤᠯᠠᠷᠢᠯ ᠤᠨ ᠡᠪᠡᠳᠴᠢᠨ ᠤ ᠪᠠᠶᠢᠲᠠᠯ ᠲᠠᠢ ᠲᠤᠬᠢᠷᠠᠭᠤᠯᠵᠤ᠂ ᠡᠮ ᠤᠨ ᠵᠤᠷ ᠲᠤ ᠪᠤᠯᠵᠤ ᠤᠷᠤᠬᠤ | ᠳ᠋ᠠᠩ ᠡᠮ ᠢᠶᠠᠨ ᠠᠮᠢᠲᠤᠯᠢᠭ ᠢᠶᠠᠷ ᠦᠭᠡᠷᠡᠴᠢᠯᠡᠵᠦ ᠨᠠᠶᠢᠷᠠᠭᠤᠯᠲᠠᠭ᠃ | ᠵᠢᠱᠢᠶᠡ᠄ ᠮᠠᠨᠤ—4 ᠶᠢᠨ ᠲᠠᠩ ᠤᠨ ᠲᠦᠷᠪᠡᠨ ᠬᠦᠯ ᠡᠮ ᠳᠤ ᠬᠢ ᠪᠦᠭᠡᠷᠡᠯᠵᠢᠭᠡᠨᠡ ᠶᠢ ᠬᠠᠪᠤᠷ ᠵᠤᠨ ᠤ | ᠬᠢᠵᠢᠭ ᠤᠨ ᠬᠠᠯᠠᠭᠤᠨ ᠳᠤ ᠴᠠᠭᠠᠨ ᠪᠦᠭᠡᠷᠡᠯᠵᠢᠭᠡᠨᠡ ᠶᠢ ᠬᠡᠷᠡᠭᠯᠡᠬᠦ᠂ ᠨᠠᠮᠤᠷ ᠡᠪᠤᠯ ᠤᠨ ᠬᠢᠵᠢᠭ ᠤᠨ ᠬᠠᠯᠠᠭᠤᠨ ᠳᠤ | ᠪᠤᠷᠤ ᠪᠦᠭᠡᠷᠡᠯᠵᠢᠭᠡᠨᠡ ᠶᠢ ᠬᠡᠷᠡᠭᠯᠡᠬᠦ᠂ ᠬᠡᠢ ᠬᠢᠵᠢᠭ ᠲᠡᠯᠭᠡᠷᠡᠬᠦ ᠶᠢᠨ ᠴᠠᠭ ᠲᠤ ᠬᠠᠷᠠ ᠪᠦᠭᠡᠷᠡᠯᠵᠢᠭᠡᠨᠡ ᠪᠠᠷ ᠰᠤᠯᠢᠵᠤ | ᠬᠡᠷᠡᠭᠯᠡᠬᠦ ᠭᠡᠬᠦ ᠮᠡᠲᠦ᠃ | 2. ᠳ᠋ᠠᠩ ᠡᠮ ᠤᠨ ᠴᠢᠲᠠᠯ ᠪᠠ ᠰᠢᠩᠭᠡᠭᠡᠯᠲᠡ ᠶᠢᠨ ᠡᠷᠲᠡᠮ ᠢ ᠦᠨᠲᠦᠰᠦᠯᠡᠵᠦ ᠡᠪᠡᠳᠴᠢᠨ ᠡᠮᠬᠡᠭ ᠢ | ᠠᠨᠠᠭᠠᠲᠠᠭ ᠤᠨᠴᠠᠯᠢᠭ ᠲᠠᠢ᠃ ᠮᠤᠩᠭᠤᠯ ᠡᠮᠴᠢ ᠨᠢᠭᠡᠪᠤᠷᠢ ᠡᠷᠬᠡᠪᠰᠢ ᠵᠤᠷ ᠪᠦᠬᠦᠨ ᠳᠤ ᠬᠦᠯ ᠪᠤᠯᠵᠤ ᠤᠷᠤᠭᠰᠠᠨ | ᠡᠮ ᠪᠦᠬᠦᠨ ᠤ ᠴᠢᠲᠠᠯ ᠢ ᠲᠤᠳᠤᠷᠬᠠᠢ ᠮᠡᠲᠡᠬᠦ ᠮᠦᠷᠲᠡᠭᠡᠨ ᠳ᠋ᠠᠩ ᠡᠮ ᠨᠢ ᠨᠡᠶᠢᠯᠡᠮᠡᠯ ᠡᠮ ᠤᠨ ᠵᠤᠷ ᠲᠤ ᠬᠦᠯ ᠪᠤᠯᠵᠤ | ᠤᠷᠤᠬᠤ ᠦᠶᠡ ᠳᠤ ᠬᠢ ᠰᠢᠩᠭᠡᠭᠡᠯᠲᠡ ᠶᠢᠨ ᠡᠷᠲᠡᠮ ᠤᠨ ᠬᠤᠪᠢᠷᠠᠯᠲᠠ ᠶᠢ ᠨᠢ ᠴᠤ ᠲᠤᠲᠤᠷᠬᠠᠢ ᠤᠶᠢᠯᠠᠭᠠᠭᠰᠠᠨ | ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠵᠢᠱᠢᠶᠡ᠄ ᠯᠠᠷᠽᠢ ︵ᠵᠢᠭᠠᠷ︶ ᠶᠢ ᠳ᠋ᠧᠵᠧᠳ—6 ᠶᠢᠨ ᠨᠠᠶᠢᠷᠠᠭᠤᠯᠭᠠ ᠳᠤ ᠬᠦᠯ ᠪᠤᠯᠭᠠᠵᠤ ᠨᠠᠶᠢᠷᠠᠭᠤᠯᠬᠤ | ᠦᠶᠡ ᠳᠤ ᠰᠦᠪᠡ ᠰᠤᠲᠠᠰᠤ ᠶᠢ ᠨᠡᠭᠡᠭᠡᠭᠲᠡᠭᠦᠯᠵᠦ᠂ ᠬᠡᠢ ᠴᠢᠰᠤ ᠶᠢ ᠡᠶᠡᠲᠡᠭᠦᠯᠬᠦ︔ ᠬᠠᠷᠢᠨ ᠭᠠᠷᠤᠲᠢ—5 ᠶᠢᠨ | ᠨᠠᠶᠢᠷᠠᠭᠤᠯᠭᠠ ᠳᠤ ᠬᠦᠯ ᠪᠤᠯᠭᠠᠵᠤ ᠨᠠᠶᠢᠷᠠᠭᠤᠯᠬᠤ ᠳᠤ ᠰᠢᠩᠭᠡᠭᠡᠯᠲᠡ ᠶᠢᠨ ᠡᠷᠲᠡᠮ ᠨᠢ ᠬᠤᠪᠢᠷᠠᠭᠠᠳ ᠰᠦᠪᠡ | ᠰᠤᠲᠠᠰᠤ ᠶᠢ ᠨᠡᠪᠲᠡᠷᠡᠭᠦᠯᠬᠦ ᠶᠢᠨ ᠵᠡᠷᠭᠡᠴᠡᠭᠡᠪᠡᠷ ᠡᠯᠢᠭᠡ ᠪᠦᠭᠡᠷᠡ ᠶᠢᠨ ᠡᠪᠡᠳᠴᠢᠨ ᠢ ᠴᠤ ᠠᠨᠠᠭᠠᠲᠤ ᠤᠨᠴᠠᠯᠢᠭ ᠢ | ᠦᠨᠲᠦᠰᠦᠯᠡᠵᠦ᠂ ᠡᠮ ᠤᠨ ᠵᠤᠷ ᠢ ᠨᠠᠶᠢᠷᠠᠭᠤᠯᠲᠠᠭ᠃ | 3.ᠡᠮᠴᠢ ᠨᠢᠭᠡᠪᠤᠷᠢ ᠬᠠᠮᠤᠭ ᠲᠡᠷᠢᠭᠦᠨ ᠳᠤ᠂ ᠡᠪᠡᠳᠴᠢᠨ ᠤ ᠰᠢᠯᠲᠠᠭᠠᠨ ᠨᠦᠬᠦᠴᠡᠯ᠂ ᠰᠢᠨᠵᠢ ᠲᠡᠮᠲᠡᠭ ᠵᠡᠷᠭᠡ | ᠶᠢ ᠦᠵᠡᠬᠦ᠂ ᠠᠰᠠᠭᠤᠬᠤ᠂ ᠬᠦᠷᠦᠯᠴᠡᠬᠦ ᠵᠡᠷᠭᠡ ᠪᠠᠷ ᠲᠠᠮᠵᠢᠵᠦ ᠰᠢᠨᠵᠢᠯᠡᠨ ᠲᠤᠲᠤᠯᠠᠭᠰᠠᠨ ᠤ ᠰᠠᠭᠤᠷᠢᠨ ᠲᠡᠭᠡᠷᠡ᠂ | ᠳ᠋ᠠᠩ ᠡᠮ ᠨᠢᠭᠡᠪᠦᠷᠢ ᠶᠢᠨ ᠠᠮᠲᠠ᠂ ᠴᠢᠲᠠᠯ᠂ ᠰᠢᠩᠭᠡᠭᠡᠯᠲᠡ ᠶᠢ ᠦᠨᠲᠦᠰᠦᠯᠡᠨ ᠬᠤᠪᠢᠰᠤᠩᠭᠤᠢ ᠪᠠᠷ ᠡᠮ ᠢᠶᠠᠨ | ᠨᠠᠶᠢᠷᠠᠭᠤᠯᠲᠠᠭ᠃ ᠡᠶᠢᠮᠤ ᠠᠴᠠ ᠵᠠᠷᠢᠮ ᠵᠤᠷ ᠨᠢ ᠬᠡᠲᠤᠶᠢᠪᠡᠷ ᠦᠷᠬᠦᠯᠵᠢ ᠬᠡᠷᠡᠭᠯᠡᠬᠦ ᠵᠤᠷ ᠤᠳ ᠲᠠᠢ ᠨᠡᠷᠡ ᠨᠢ ᠠᠲᠠᠯᠢ | ᠪᠠᠶᠢᠭᠰᠠᠨ ᠴᠤ ᠬᠦᠯ ᠪᠤᠯᠵᠤ ᠤᠷᠤᠭᠰᠠᠨ ᠳ᠋ᠠᠩ ᠡᠮ ᠨᠢ ᠠᠲᠠᠯᠢ ᠦᠭᠡᠢ ᠪᠠᠶᠢᠲᠠᠭ ᠪᠤᠶᠤ ᠨᠡᠮᠡᠯᠲᠡ ᠬᠠᠰᠤᠯᠲᠠ ᠲᠠᠢ | ᠪᠠᠶᠢᠲᠠᠭ ᠶᠤᠮ᠃ |